Dinamalar

ஹீரோவாக 21 ஆண்டுகளைக் கடக்கும் சிலம்பரசன்

தமிழ் சினிமாவின் வாரிசு நடிகர்களில் சிலம்பரசனும் ஒருவர். குழந்தையாக இருந்த போதே அவரது அப்பா டி ராஜேந்தர் இயக்கிய 'உறவைக் காத்த கிளி' படத்தில் நடித்துள்ளார். அதன் பின் குழந்தை நட்சத்திரமாக பத்து படங்களில் நடித்திருப்பார். அவற்றில் 'எங்க வீட்டு வேலன்' படத்தில் முதன்மைக் கதாபாத்திரத்தில் நடித்தார். அப்படம் 100 நாட்களைக் கடந்து ஓடியது. அப்போதே 'லிட்டில் சூப்பர்ஸ்டார்' என்ற பட்டத்துடன்தான் அவரது பெயர் டைட்டிலில் இடம் பெறும்.

டீன் ஏஜ் வயதில் 'மோனிஷா என் மோனலிசா' மற்றும் 'சொன்னால்தான் காதலா' ஆகிய படங்களில் பாடல்களில் மட்டும் வந்து நடனமாடி நடித்தார்.

அதன் பிறகு கதாநாயகனாக அவர் அறிமுகமான படம் 'காதல் அழிவதில்லை'. டி ராஜேந்தர் இயக்கிய அந்தப் படம் 2002ம் ஆண்டு நவம்பர் 4ம் தேதி வெளியானது. இன்றுடன் சிலம்பரசன் கதாநாயகனாக நடிக்க வந்து 21 ஆண்டுகள் ஆகிவிட்டது.

இந்த 21 வருடங்களில் 25 படங்களில் கதாநாயகனாக நடித்துள்ளார். அவற்றில், சிலம்பரசன் கதாநாயகனாகவும் நடித்து இயக்குனராகவும் அறிமுகமான 'வல்லவன் (2006), அதற்கு முன் ‛மன்மதன் (2004), 'விண்ணைத் தாண்டி வருவாயா (2010),' 'செக்கச் சிவந்த வானம் (2018)', 'மாநாடு (2021), 'வெந்து தணிந்தது காடு' (2022), பத்து தல (2023) ஆகிய படங்கள் குறிப்பிட வேண்டிய முக்கியப் படங்கள்.

அடுத்து கமல்ஹாசன் தயாரிப்பில், தேசிங்கு பெரியசாமி இயக்கத்தில் உருவாக உள்ள சரித்திரப் படத்தில் நடிப்பதற்காக தன்னைத் தயார்படுத்தி வருகிறார் சிலம்பரசன்.

தமிழ் சினிமாவில் கமல்ஹாசனுக்குப் பிறகு இயக்கம், இசை, பாடகர் என தனித் திறமைகள் கொண்ட கதாநாயகன் சிலம்பரசன்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  சிவகார்த்திகேயனுக்கு வில்லனா? மறுப்பு தெரிவித்த விஷால்
• 
  ஹாலிவுட் மியூசிக் மீடியா விருது: ஆடுஜீவிதம் பின்னணி இசைக்காக வென்றார் ...
• 
  விஜய் 69வது படத்தில் இணையும் வரலட்சுமி
• 
  73வது பிறந்தநாளை கொண்டாடிய இசையமைப்பாளர் தேவா!
• 
  விடாமுயற்சி படத்தின் சிறு பிஜிஎம் வைரல்