Dinamalar

நாங்கள் ஒரு நல்ல படம் தயாரித்துள்ளோம் : சூரஜ் பஞ்சோலி

பாலிவுட்டின் நட்சத்திர தம்பதியரான நடிகர் ஆதித்யா பஞ்சோலி மற்றும் நடிகை ஜரினா வஹாப் ஆகியோரின் மகனான சூரஜ் பாஞ்சோலி நடித்துள்ள படம் ‛கேசரி வீர்'. வரலாற்று பின்னணியில் அதிரடி ஆக்ஷன் படமாக உருவாகி உள்ளது. மே 23ல் ரிலீஸாகிறது. பிரின்ஸ் திமான் இயக்கி உள்ளார். முக்கிய வேடங்களில் சுனில் ஷெட்டி, விவேக் ஓபராய், ஆகான்ஷா சர்மா உள்ளிட்டோர் நடித்துள்ளனர். சூரஜ் பஞ்சோலி அளித்த பேட்டி...

படத்தில் உங்க கேரக்டர் பற்றி சொல்லுங்க?
ஹமீர்ஜி கோஹில் என்ற வேடத்தில் மிகப் பெரிய போர்வீரனாக நடித்துள்ளேன். ஹமீர் தனது அன்புக்குரியவர்களுக்காகவும், தனது நாட்டிற்காகவும் போராடினார். அவரது படையில் 500 பேர் மட்டுமே இருந்தனர். இந்த சிறிய படை உடன் 5000-க்கும் மேற்பட்டவர்களும் நாட்டிற்காக போராடினர். அவரது சிலை குஜராத்தில் உள்ள சோம்நாத் கோவிலுக்கு அருகில் நிறுவப்பட்டுள்ளது.

சுனில் ஷெட்டி உடன் பணிபுரிந்த அனுபவம் பற்றி சொல்லுங்க?
சுனில் உடன் பணிபுரிந்தது வேடிக்கையாக இருந்தது. ஒவ்வொரு நாளும் அவரிடம் ஏதாவது ஒன்றை கற்றுக் கொள்ளும்படி இருந்தது. அவரின் ஒவ்வொரு வார்த்தையும் நமக்கு உத்வேகம் அளித்தது. அவரிடம் சிகரெட், மதுபானம் போன்ற எந்த கெட்ட பழக்கமும் இல்லை. ஆரோக்கியமாக உள்ளார்.

சாவா ஒரு வரலாற்று படமாக, வெற்றி படமாக அமைந்தது. இந்த படம் பற்றிய உங்களின் எதிர்பார்ப்பு என்ன?
சாவா நல்ல படம். பொதுவாக நல்ல படம் எப்போதும் பாக்ஸ் ஆபிஸில் வெற்றி பெறும். இந்த படத்திற்காக நாங்களும் கடுமையாக உழைத்துள்ளோம். எங்கள் படத்தை பார்ப்பார்களா இல்லையா என்பது இனி ரசிகர்கள் கையில் தான் உள்ளது. ஆனால் நாங்கள் ஒரு நல்ல படத்தை கொடுத்துள்ளோம் என்பதை மட்டும் உறுதியாக சொல்வேன்.

உங்கள் தந்தை ஆதித்யா பஞ்சோலியின் எந்த படம் உங்களுக்கு பிடிக்கும் அவரின் எந்த படத்தில் நடிக்க விரும்புகிறீர்கள்?
என் தந்தையின் நிறைய படங்கள் பிடிக்கும். என்றாலும் ஆதிஷ், சதி மற்றும் மகாசங்கராம் ஆகிய படங்களில் நடிக்க விரும்புகிறேன். அவருடன் பணியாற்ற வாய்ப்பு கிடைத்தால் நிச்சயம் பண்ணுவேன்.

இவ்வாறு தெரிவித்தார்.

• 
  விமர்சனம் என்ற பெயரில் சினிமாவை கொலை செய்யும் யூடியூபர்கள்: சுசீந்திரன் ...
• 
  இரண்டேகால் படம் : விமல் சொன்ன புதுக்கணக்கு
• 
  அனிமல் படம் குறித்த விமர்சனத்திற்கு ராஷ்மிகா கொடுத்த பதிலடி
• 
  கே.பி.ஒய் பாலாவின் ‛காந்தி கண்ணாடி' டைட்டில் முன்னோட்ட வீடியோ வெளியீடு
• 
  அவதூறு பரப்புவோர் மீது சட்ட நடவடிக்கை : நடிகர் சங்கம் எச்சரிக்கை

• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு
• 
  விஜய் பட இயக்குனருடன் கைகோர்க்கும் அமீர் கான்