Dinamalar

24 ஆண்டுகளுக்கு பிறகு டிஜிட்டலீில் ரீ ரீலீஸாகும் மோகன்லாலின் ராவண பிரபு

பிரபல ஹீரோக்கள் பல ஆண்டுகளுக்கு முன்பு நடித்த படங்கள் காலம் கழித்து ரீ ரிலீஸ் செய்யப்படுவது வாடிக்கையாக மாறிவிட்டது. பெரும்பாலும் ஹீரோக்களின் பிறந்தநாள் அல்லது படம் பல ஆண்டுகளுக்கு முன்பு வெளியான அதே தேதி என முக்கியமான ஒரு காரணத்தை சொல்லி ரீ ரிலீஸ் செய்யப்பட்டு வந்த நிலையில் தற்போது நினைத்த நேரத்தில் பிரபல ஹீரோக்களின் ரீ ரிலீஸ் படங்கள் செய்யப்படுவது புதிய ட்ரெண்ட் ஆக மாறிவிட்டது. தமிழில் அப்படி விஜய் படங்கள் அடிக்கடி ரீ ரிலீஸ் செய்யப்படுகின்றன. அதேபோல மலையாளத்தில் நடிகர் மோகன்லாலின் படங்கள் அடிக்கடி ரீ ரிலீஸ் செய்யப்பட்டு வருகின்றன.

அந்த வகையில் கடந்த மாதம் மோகன்லாலின் சூப்பர் ஹிட் படமான சோட்டா மும்பை திரைப்படம் ரீ ரிலீஸ் செய்யப்பட்டது. அதற்கு முன்னதாக மோகன்லால் நடிப்பில் தொடரும் என்கிற ஆக்ஷன் படம் வெளியாகி வரவேற்பை பெற்றதால் இந்த சோட்டா மும்பை திரைப்படத்திற்கும் ரசிகர்கள் நல்ல வரவேற்பு கொடுத்தனர். இதனை தொடர்ந்து சூட்டோடு சூடாக தற்போது மோகன்லால் 2001ல் நடித்து வெளியான ராவண பிரபு திரைப்படமும் 4கே டால்பி அட்மாஸ் தொழில்நுட்பத்திற்கு மாற்றப்பட்டு ரீ ரிலீஸுக்கு தயாராகி வருகிறது.

இது குறித்து அறிவிப்பையும் பட வெளியீட்டாளர்கள் தற்போது அறிவித்துள்ளனர். இந்த படத்தில் மோகன்லாலுக்கு ஜோடியாக வசுந்தரா தாஸ் நடிக்க முக்கிய வேடத்தில் நெப்போலியன் நடித்திருந்தார். பிரபல இயக்குனர் ரஞ்சித் இயக்கியிருந்தார். விரைவில் இந்த படத்தின் ரிலீஸ் தேதி அறிவிக்கப்படும் என தெரிகிறது.

• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்
• 
  ஓய்வு பெற துடிக்கும் சூப்பர் ஹீரோ கதாபாத்திரத்தில் நடிக்கும் சல்மான் ...
• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது

• 
  கலாபவன் மணியின் கனவை நனவாக்கிய மகள்
• 
  பேட்ரியாட் படத்தை திரையிடுவதில் கேரள திரையரங்குகள் திடீர் போர்க்கொடி
• 
  மீண்டும் சிரஞ்சீவி படத்திற்கு இசையமைக்கும் தமன்!
• 
  கேரள அரசு சினிமா ஸ்டுடியோ திறப்பு விழாவை புறக்கணித்த மலையாள திரைப்பட ...
• 
  துபாயில் சிக்கி தவிக்கும் அண்ணன்; ஹைதராபாத்தில் 3வது திருமண விழா நிகழ்வை ...