கருப்பு வெள்ளையில் மட்டுமே வெளியாகும் மம்முட்டியின் பிரம்மயுகம்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

06 பிப், 2024 - 01:58 IST

எழுத்தின் அளவு:

சமீபகாலமாக நடிகர் மம்முட்டி வித்தியாசமான கதை அம்சம் கொண்ட புதிய முயற்சிகளுடன் கூடிய படங்களுக்கு முன்னுரிமை கொடுத்து நடித்து வருகிறார். கடந்த வருடம் வெளியான நண்பகல் நேரத்து மயக்கம் மற்றும் காதல் : தி கோர், ரோசாக் உள்ளிட்ட படங்கள் அனைத்தும் இந்த வகையை சேர்ந்தவை தான். அதேவிதமாக தற்போது அவரது நடிப்பில் பிரம்மயுகம் என்கிற படம் மலையாளத்தில் தயாராகியுள்ளது. இந்த படத்தை ராகுல் சகாதேவன் என்பவர் இயக்கியுள்ளார். வரும் பிப்ரவரி 15ம் தேதி இந்த படம் தென்னிந்திய மொழிகள் மற்றும் ஹிந்தியிலும் வெளியாக இருக்கிறது.

இந்த படத்தின் அறிவிப்பு போஸ்டர், இடையில் வெளியான போஸ்டர்கள், சமீபத்தில் வெளியான டீசர் என எல்லாமே பிளாக் அண்டு ஒயிட் ஆகவே இருந்தன. ரசிகர்களின் கவனத்தை ஈர்ப்பதற்காக இப்படி வித்தியாசமாக செய்கிறார்கள் என்று நினைத்தால் விரைவில் வெளியாக இருக்கும் இந்த மொத்த படமும் கருப்பு வெள்ளையில்தான் திரையிடப்படுகிறது என்கிற ஒரு ஆச்சரிய தகவலையும் பட தயாரிப்பு நிறுவனம் தற்போது அறிவித்துள்ளது.

கருப்பு வெள்ளை படங்கள் வெளிவருவது நின்று கிட்டத்தட்ட 40 வருடங்கள் ஆகிவிட்ட நிலையில் தற்போது தொழில்நுட்பம் வளர்ந்துள்ள நிலையில் மீண்டும் ஒரு கருப்பு வெள்ளை திரைப்படம் வெளியாவதை நிச்சயம் ஒரு வித்தியாச முயற்சி என்று தான் சொல்ல வேண்டும்.

Bramayugam

Mammootty

கருத்துகள் (0) கருத்தைப் பதிவு செய்ய

ஆக்ஷ்ன் ஹீரோ பைஜூ பார்ட் 2வை அறிவித்த ...

தமிழ்நாடு, கேரளாவில் ரீ-ரிலீஸ் ஆகும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய