Dinamalar

‛90'ஸ் கிட்ஸின் பேவரைட் விஜே ரீ-என்ட்ரியால் ரசிகர்கள் மகிழ்ச்சி!

முன்னாள் தொலைக்காட்சி தொகுப்பாளரான விஜய சாரதி நீண்ட இடைவெளிக்கு பிறகு சின்னத்திரையில் தோன்றவுள்ளதால் அவரது ரசிகர்கள் மகிழ்ச்சியில் உள்ளனர்.

90-களின் காலக்கட்டத்தில் தொலைக்காட்சிகள் தொழில்நுட்ப தரத்திலும், எண்ணிக்கையிலும் இப்போது இருப்பது போல் கிடையாது. அதேசமயம் ஒரு தொலைகாட்சியில் ஒளிபரப்பாகும் நிகழ்ச்சியின் வெற்றியில் அதிகபட்ச பெருமை தொகுப்பாளர்களையே சேரும். தொகுப்பாளர்களும் தங்கள் திறமை ஒன்றையே வைத்து நிகழ்ச்சிகளை வெற்றிகரமாக நடத்தி வந்தனர். அந்நிகழ்ச்சிகளின் வரிசையில் முன்னணி டிவி ஒன்றில் நீங்கள் கேட்ட பாடல் நிகழ்ச்சியை நினைவு கூறும் எவரும் விஜே சாரதியை மறக்கவே முடியாது.

பல்வேறு இடங்களுக்கு சென்று அந்த இடத்தை பற்றிய எக்ஸ்குளூஸிவ் தகவல்களை சுவாரசியமாக, பின்னால் திரும்பாமல் நடந்து கொண்டே சொல்வது அவரது தனிப்பட்ட ஸ்டைல். இதற்காகவே இந்தியா மட்டுமல்லாமல் பிறநாடுகளிலும் அவருக்கு ரசிகர்கள் ஏராளம். இவ்வாறாக அந்த காலகட்டத்தின் டாப் விஜேக்களில் ஒருவராக வலம் வந்த விஜய சாரதி, தற்போது நீண்ட இடைவெளிக்கு பின் மீண்டும் இலங்கை தமிழ் சேனல் ஒன்றில் மீண்டும் தொகுப்பாளராக களமிறங்குகிறார்.

தொலைக்காட்சி தொகுப்பாளராக இருந்த விஜய் சாரதி பவளக்கொடி என்ற படத்தின் மூலம் திரைத்துறைக்கு அறிமுகமானார். ஆனால், படங்களில் பெரிதாக அவரால் ஜொலிக்க முடியவில்லை. அதேசமயம் சின்னத்திரையில் சித்தி, கோலங்கள், விக்கிரமாதித்யன் மற்றும் விடாது கருப்பு என பல ஹிட் சீரியல்களில் நடித்தார். பின்னர் ஒரு காலக்கட்டத்தில் எந்த திரையிலும் தோன்றாமல் காணமல் போய்விட்டார். பின்னர் நீண்ட இடைவெளிக்கு பின் விஜய் ஆண்டனியின் சைத்தான் படத்தில் சிறு கதாபாத்திரத்தில் கம்பேக் கொடுத்திருந்த அவர் மீண்டும் தொகுப்பாளராக களமிறங்குவதால் அவரது ரசிகர்கள் மகிழ்ச்சியில் உள்ளனர், மேலும் விஜய் சாரதிக்கு வாழ்த்துகளையும் தெரிவித்து வருகின்றனர்.

• 
  சன்னி லியோன் நிகழ்ச்சி நடைபெற உள்ள இடத்திற்கு அருகே குண்டு வெடித்ததால் ...
• 
  14 மாதங்கள் சித்ரவதை : நடிகை பரபரப்பு புகார்
• 
  'பாகுபலி 2' வசூலை முறியடிக்குமா 'பதான்' ?
• 
  பாலிவுட்டில் புதிய சாதனை படைத்துள்ள ஷாரூக்கான்
• 
  மகளை உலகிற்கு அறிமுகப்படுத்திய பிரியங்கா சோப்ரா

• 
  படித்தால் மட்டும் போதுமா, திருப்பாச்சி, வலிமை - ஞாயிறு திரைப்படங்கள்
• 
  60 வயது மாநிறம் : ஞாயிறு அன்று டிவியில் ஒளிபரப்பு
• 
  சீரியலில் வொர்க் அவுட்டான கெமிஸ்ட்ரி : நிஜத்திலும் கைகோர்த்த ...
• 
  சாக்ஷி அகர்வாலுக்கு முத்தமழை : கூல் சுரேஷ் அட்ராசிட்டி
• 
  குடிபோதையால் நல்ல வாய்ப்பை தவறவிட்ட கோமாளி! ஓட்டேரி சிவாவை ...