Dinamalar

ஹீரோயின் ஆன மாலாஸ்ரீ மகள்

பழம்பெரும் கன்னட நடிகை மாலாஸ்ரீ. பிரபல கன்னட தயாரிப்பாளர் ராமுவை திருமணம் செய்த அவருக்கு ராதனா ராம் என்ற மகள் இருக்கிறார். அவர் இப்போது சினிமாவுக்கு நடிக்க வந்திருக்கிறார். தர்ஷன் ஜோடியாக அறிமுகமாகிறார். படத்திற்கு இன்னும் டைட்டில் வைக்கவில்லை. பெங்களூரில் உள்ள ஸ்ரீ ரவிசங்கர் ஆசிரமத்தில் படத்தின் துவக்க விழா பூஜை நடைபெற்றது. இந்த நிகழ்வில் நேரில் கலந்து கொண்ட ஸ்ரீ ரவிசங்கர் படப்பிடிப்பை துவங்கி வைத்தார். ராக்லைன் புரடக்சன்ஸ் சார்பில் ராக்லைன் வெங்கடேஷ் தயாரிக்கிறார். தருண் சுதிர் இயக்குகிறார்.

மகள் அறிமுகமாவது குறித்து மாலாஸ்ரீ கூறியதாவது: கன்னட திரை உலகில் அறிமுகமாகும் எனது மகள் ராதனா ராமுக்கு திரையுலகை சேர்ந்தவர்களும் ரசிகர்களும் தங்களது வாழ்த்துக்களையும் ஆசீர்வாதங்களையும் அளிக்க வேண்டும். ராக்லைன் வெங்கடேஷ் என்னுடைய படம் மூலமாக தயாரிப்பு துறையில் நுழைந்தார். இன்று எனது மகள் அவருடைய தயாரிப்பு நிறுவனம் மூலமாக நடிகையாக அறிமுகம் ஆகிறார்.

ராதனா சிறிய வயதிலேயே நடிகையாக வேண்டும் என விரும்பினார். அதற்காக மும்பையில் நடிப்பு மற்றும் நடனத்திற்காக பயிற்சி எடுத்துக் கொண்டார். உண்மையிலேயே கடந்த சில வருடங்களாக அவர் கடினமாக உழைத்தார். அவர் என்னுடைய மகள் என அடையாளப்படுத்தப்படாமல், தனக்கான ஒரு பாதையை தானாகவே தேர்ந்தெடுக்க வேண்டும் என நான் விரும்புகிறேன். என்கிறார் மாலாஸ்ரீ.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  எட்டு வருடத்திற்கு பிறகு மீண்டும் இணையும் துருவா சார்ஜா, ரச்சிதா ராம் ...
• 
  'விலாயத் புத்தா' கதையும் 'புஷ்பா' கதையும் ஒன்றா ? பிரித்விராஜ் ...
• 
  ஆறு வருடமாக பாலியல் டார்ச்சர் செய்த துணை நடிகை மீது போலீஸில் நடிகர் ...
• 
  பிரியதர்ஷனின் ‛ஹைவான்' ஹிந்தி படத்தில் சிறப்பு தோற்றத்தில் மோகன்லால்
• 
  ஜப்பானில் வெளியாகும் மலைக்கோட்டை வாலிபன் : ரிலீஸ் தேதி அறிவிப்பு