Dinamalar

மிமி ரீமேக்கில் கீர்த்தி சுரேஷ்

ஹீரோவை சுற்றி சுற்றி வந்து காதலிக்கும் படங்களை தவிர்த்து ஹீரோயின் சப்ஜெக்ட் படங்களில் நடித்து வருகிறார் கீர்த்தி சுரேஷ். நடிகையர் திலகம் சாவித்ரியின் பயோபிக்கான மகாநடி படத்துக்கு பிறகு பெண்குயின், மிஸ் இந்தியா என அடுத்தடுத்து நாயகிகளுக்கான படங்களிலேயே நடித்தார். தற்போது குட் லக் சகி என்ற தெலுங்கு படத்திலும் நடித்து வருகிறார்.

இந்நிலையில் சமீபத்தில் வெளியான ஹிந்திப் படமான மிமி ரீமேக்கில் கீர்த்தி சுரேஷ் நடிக்க இருப்பதாக தகவல்கள் வெளியாகி உள்ளது. இந்த படம் தெலுங்கு, தமிழ் மொழிகளில் ரீமேக் ஆகிறது. கடந்த மாதம் வெளியான இந்த படத்தில் கிரித்தி சனோன், பங்கஜ் திரிபாதி, மனோஜ் பவ்ஹா உள்ளிட்ட பலர் நடித்திருந்தனர். ஏ.ஆர்.ரகுமான் இசை அமைத்திருந்தார். லக்ஷ்மண் உதேகர் இயக்கி இருந்தார்.

சினிமாவில் ஜெயிக்க வேண்டும் என்ற கனவுடன் இருக்கும் ஒரு இளம் பெண், பணத்துக்காக வாடகை தாயாக மாறுகிறாள். இன்னொருவருடைய குழந்தையை அவள் சுமக்கிறாள். இந்த நிலையில் வாடகை தாயாக நிர்ணயித்தவர்கள் திடீரென குழந்தை வேண்டாம் கருவை கலைத்து விட வேண்டும் என்கிறார்கள். ஆனால் அதற்கு மறுக்கும் அந்த பெண் எதிர்கொள்ளும் பிரச்சினைகளை காமெடி கலந்து சொல்லும் படம்.

இதில் கீர்த்தி சுரேஷ் கர்ப்பிணியாக நடிக்கிறார். ஏற்கெனவே அவர் பெண்குயின் படத்தில் கர்ப்பிணியாக நடித்திருந்தது குறிப்பிடத்க்கது.

• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்

• 
  இசையமைப்பாளர் இளையராஜா அலுவலகத்திற்கு வெடிகுண்டு மிரட்டல்
• 
  பூஜா ஹெக்டேவின் பிறந்த நாளில் 'ஜனநாயகன்' படக்குழு வெளியிட்ட போஸ்டர்!
• 
  'டியூட்' படத்திற்காக இரவு முழுக்க தூங்காமல் பயிற்சி எடுத்த மமிதா பைஜு!
• 
  அல்லு அர்ஜுனை தொடர்ந்து 'கேஜிஎப்' நாயகன் யஷை இயக்கும் அட்லி!
• 
  ரஜினியின் அடுத்த படத்தை தயாரிப்பது யார்?