Dinamalar

'ஆயிரத்தில் ஒருவன்' பற்றி செல்வராகவன் திடீர் பதிவு

தமிழ் சினிமாவில் 2009ம் ஆண்டு வெளிவந்த 'ஆயிரத்தில் ஒருவன்' படம் வெளியீட்டின் போது வியாபார ரீதியாகப் பெரிதாக பேசப்படவில்லை என்றாலும, விமர்சன ரீதியாக பெரிதும் பேசப்பட்டது.

செல்வராகவன் இயக்கத்தில், ஜி.வி.பிரகாஷ்குமார் இசையில், கார்த்தி, ஆன்ட்ரியா, ரீமா சென், பார்த்திபன் மற்றும் பலர் நடித்த அந்தப் படம் ஒரு 'அட்வென்ச்சர்' படமாக அமைந்தது. படம் வெளியாகி இத்தனை வருடங்களாகியும் அந்தப் படத்தை இப்போதும் சிலாகித்துப் பேசி வருகிறார்கள் ரசிகர்கள்.

அதைப் புரிந்து கொண்டு தான் 'ஆயிரத்தில் ஒருவன்' படத்தின் இரண்டாம் பாகத்தைப் பற்றிய அறிவிப்பையும் இந்த வருடப் புத்தாண்டில் அறிவித்தார் செல்வராகவன். தனுஷ் நடிக்க 2024ம் ஆண்டு அந்தப் படம் வரும் என தெரிவித்துள்ளார்கள்.

இந்நிலையில் இன்று திடீரென 'ஆயிரத்தில் ஒருவன்' படத்தின் முதல் பாகத்தைப் பற்றி டுவிட்டரில் ஒரு பதிவிட்டுள்ளார் செல்வராகவன். அதில், “ஆயிரத்தில் ஒருவன்' படத்தின் உண்மையான பட்ஜெட் 18 கோடி தான். ஆனால், அதை ஒரு மெகா பட்ஜெட் படம் என உயர்த்திக் காட்டுவதற்காக 32 கோடி பட்ஜெட் என அறிவிக்க முடிவு செய்தோம். என்ன ஒரு முட்டாள்தனம். படத்தின் உண்மையான பட்ஜெட்டை படம் வசூல் செய்திருந்தாலும், அது ஆவரேஜ் வசூல் என்று தான் சொல்லப்பட்டது. என்ன முரண்பாடு இருந்தாலும் பொய் சொல்லக் கூடாது என்று கற்றுக் கொண்டேன்,” என 12 வருட வரலாற்றைக் கிளறிவிட்டுள்ளார்.

செல்வராகவன் பதிவின்படி பார்த்தால் சினிமாவில் பலரும் பொய்யான பட்ஜெட்டை சொல்லுவார்கள் என்ற உண்மை வெளிப்படுகிறது. அந்தப் பொய்க்கு அப்போது செல்வராகவனும் உடந்தையாகத்தான் இருந்துள்ளார். இப்போது, பொய் சொல்லக் கற்றுக் கொண்டேன் என்று சொல்வதற்கான அவசியம் என்னவென்று தெரியவில்லை.

இனி, ஒரு படத்தின் பட்ஜெட் 500 கோடி என்று யாராவது அளந்துவிட்டால், அதன் உண்மையான பட்ஜெட் 280 கோடிதான் இருக்கும் என சாதாரண ரசிகர்களும் கணக்கு போட்டுக் கொள்வார்கள்.

• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு
• 
  75 கோடி வசூல் கடந்த தனுஷின் 'தேரே இஷ்க் மெய்ன்'
• 
  காந்தாரா கிண்டல்: மன்னிப்பு கேட்ட ரன்வீர் சிங்

• 
  மரணத்தை வைத்து மீம்ஸ் போடுவதா? ஜான்வி கபூர் கடும் ஆதங்கம்!
• 
  ஏவிஎம் சரவணன் உடல் தகனம்
• 
  உங்கள் பெயர் சொல்லும் பிள்ளைகளில் நானும் ஒருவன் : சரவணனுக்கு கமல் புகழ் ...
• 
  இந்த வார ஓடிடி ரிலீஸ்: சிறிய படங்கள் தான்....ஆனா ஒவ்வொன்னும் செம'வொர்த்'..!
• 
  'பாகுபலி தி எபிக்' புரமோஷனுக்காக ஜப்பான் சென்ற பிரபாஸ்!