Dinamalar

இன்ஸ்டாகிராம் - 2 கோடி பாலோயர்களுடன் முதலிடத்தில் ராஷ்மிகா

தென்னிந்தியத் திரையலகத்தில் தற்போதைய இளம் ரசிகர்களின் 'லவ்விங் கேர்ள்' ஆக இருப்பவர் ராஷ்மிகா மந்தனா. கன்னடம், தெலுங்கு, தமிழ் மொழிகளைத் தொடர்ந்து தற்போது ஹிந்தி வரை சென்றுள்ளார். குறுகிய காலத்திலேயே தெலுங்கில் இளம் புயலைக் கிளப்பியவர். தற்போது இன்ஸ்டாகிராம் சமூக வலைத்தளத்தில் 2 கோடி பாலோயர்களுடன் தென்னிந்திய நடிகைகளில் முதலிடத்தைப் பிடித்துள்ளார்.

அவருக்கு அடுத்து, 1 கோடியே 93 லட்சம் பாலோயர்களுடன் காஜல் அகர்வால் 2ம் இடத்திலும், 1 கோடியே 80 லட்சம் பாலோயர்களுடன் சமந்தா 3ம் இடத்திலும், 1 கோடியே 73 லட்சம் பாலோயர்களுடன் ரகுல் ப்ரீத் சிங் 4ம் இடத்திலும், 1 கோடியே 72 லட்சம் பாலோயர்களுடன் ஸ்ருதிஹாசன் 5ம் இடத்திலும், 1 கோடியே 47 லட்சம் பாலோயர்களுடன் பூஜா ஹெக்டே 6ம் இடத்திலும், 1 கோடியே 40 லட்சம் பாலோயர்களுடன் தமன்னா 7ம் இடத்திலும் உள்ளனர்.

நடிகர்களைக் காட்டிலும் நடிகைகள் தான் இன்ஸ்டாகிராமில் அதிக பாலோயர்களை வைத்துள்ளார்கள். தென்னிந்திய நடிகர்களில் விஜய் தேவரகொன்டா, அல்லு அர்ஜுன் தலா 1 கோடியே 26 லட்சம் பாலோயர்களை வைத்துள்ளனர்.

தென்னிந்திய அளவில் நடிகை ராஷ்மிகா மந்தனாதான் முதன் முதலில் 2 கோடி பாலோயர்களைத் தொட்டுள்ளார் என்பது குறிப்பிடத்தக்கது.

இந்திய நடிகைகளில் பாலிவுட் நடிகை பிரியங்கா சோப்ரா 6 கோடியே 69 பாலேயார்களைப் பெற்று முதலிடத்தில் உள்ளார். 6 கோடியே 47 லட்சம் பாலோயர்களுடன் ஷ்ரத்தா கபூர் 2ம் இடத்திலும், பின்னணிப் பாடகி நேஹா கக்கர் 6 கோடியே 11 லட்சம் பாலோயர்களுடன் 3ம் இடத்திலும், தீபிகா படுகோனே 5 கோடியே 91 லட்சம் பாலோயர்களுடன் 4ம் இடத்திலும், ஆலியா பட் 5 கோடியே 46 லட்சம் பாலோயர்களுடன் 5ம் இடத்திலும் உள்ளனர்.

பாலிவுட் நடிகர்களில் அக்ஷய் குமார் 5 கோடியே 33 லட்சம் பாலோயர்களுடன் முதலிடத்திலும், சல்மான் கான் 4 கோடியே 27 லட்சம் பாலோயர்களுடன் 2ம் இடத்திலும், ரன்வீர் சிங் 3 கோடியே 58 லட்சம் பாலோயர்களுடன் 3ம் இடத்திலும் உள்ளனர்.

• 
  விக்ரம் வேதா ஹிந்தி ரீமேக் ஆரம்பம்
• 
  இந்தியில் ரீமேக் ஆகும் அலா வைகுந்தபுரம்லோ: படப்பிடிப்பு தொடங்கியது
• 
  பான்மசாலா விளம்பரத்தில் இருந்து அமிதாப் விலகல்
• 
  டூப்ளிகேட் ஷாருக்கான்களுக்கு வந்த புது சிக்கல்
• 
  ராஷ்மி ராக்கெட் படப்பிடிப்பில் காயம்: டாப்சிக்கு பிசியோதெரபி சிகிச்சை

• 
  குட்டை பாவாடையில் போட்டோ சூட் நடத்திய அனிகா
• 
  ஊர்க்குருவி ஆன கவின்
• 
  பெத்தண்ணாவாக மாறிய ரஜினியின் அண்ணாத்த
• 
  மீண்டும் தெலுங்கு படத்திற்கு இசையமைக்கும சந்தோஷ் நாராயணன்
• 
  14 கேமராவில் படமான மட்டி