தனிப்பட்ட வாழ்க்கையில் கேமரா வைக்க முடியாது: ராஷ்மிகா மந்தனா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

08 அக், 2025 - 11:05 IST

எழுத்தின் அளவு:

தென்னிந்திய நடிகைகளில் தற்போதைய சூழ்நிலையில் அதிகமான கிசுகிசுக்களில் அடிபடும் பெயர் ராஷ்மிகா மந்தனா. ஹிந்தி சினிமாவிலும் பிஸியாக உள்ளவர் பற்றி தினமும் ஏதாவது ஒரு செய்தி வந்து கொண்டுதான் இருக்கிறது. அவருக்கும் நடிகர் விஜய் தேவரகொன்டாவுக்கும் சமீபத்தில் திருமண நிச்சயதார்த்தம் நடந்ததாக செய்திகள் வெளிவந்தன. ஆனால், இருவருமே அது குறித்து இன்னும் வெளிப்படையாக அறிவிக்காமல் உள்ளார்கள்.

இதனிடையே, சமீபத்திய பேட்டி ஒன்றில் தன்னுடைய வாழ்க்கை பற்றிய ஒரு விஷயத்தைத் தெளிவுபடுத்தியுள்ளார். "உள்ளே என்ன நடக்கிறது என்பதை இந்த உலகம் அறியாது. நமது தனிப்பட்ட வாழ்க்கையில் கேமராவை வைக்க முடியாது. நாங்கள் எங்கள் தனிப்பட்ட செய்திகளை ஆன்லைனில் பகிரும் வகையான மக்கள் அல்ல. மக்கள் எங்கள் தனிப்பட்ட வாழ்க்கை பற்றி என்ன சொல்கிறார்கள் என்பது முக்கியமல்ல. எங்கள் தொழில்முறை வாழ்க்கை பற்றிய கருத்துக்களே முக்கியம்,” என்று தெரிவித்துள்ளார்.

கன்னடத் திரையுலகத்தில் ராஷ்மிகாவைத தடை செய்துள்ளார்களா என்ற கேள்விக்கு, "இதுவரை, நான் தடை செய்யப்படவில்லை,” என்று பதிலளித்துள்ளார்.

கன்னட நடிகரான ரக்ஷித் ஷெட்டியுடன் ராஷ்மிகாவுக்கு சில வருடங்களுக்கு முன்பு திருமண நிச்சயம் நடந்தது. அதன்பின் அதை முறித்துக் கொண்டனர். அதற்கடுத்து அவர் கன்னடப் படங்களிலும் நடிப்பதில்லை. ரக்ஷித் ஷெட்டியும், 'காந்தாரா' இயக்குனரும் நடிகருமான ரிஷப் ஷெட்டியும் நெருங்கிய நண்பர்கள்.

'காந்தாரா சாப்டர் 1' படத்தைப் பார்த்த பின்பு படக்குழுவினருக்கு மெசேஜ் அனுப்பியதாகவும் அவர்கள் அதற்கு நன்றி தெரிவித்து பதிலளித்தாகவும் கூறியுள்ளார் ராஷ்மிகா.

Rashmika Mandanna

ராஷ்மிகா மந்தனா

கருத்துகள் (0) கருத்தைப் பதிவு செய்ய

ராஜமவுலி - மகேஷ்பாபு படத்தின் பெயர் ...

பிளாஷ்பேக்: இயக்குநர் துரையின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய