விக்ரம் படத்தில் கமலுக்கு வில்லனாகும் பிரபல ஹீரோ?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

விக்ரம் படத்தில் கமலுக்கு வில்லனாகும் பிரபல ஹீரோ?

09 மார், 2021 - 07:22 IST

எழுத்தின் அளவு:

சமீபகாலமாக வில்லன் கதாபாத்திரத்தில் நடிக்க ஹீரோக்கள் அதிக ஆர்வம் காட்டி வருகின்றனர். வினய், ஸ்ரீகாந்த், கார்த்திக், எஸ்.ஜே.சூர்யா, பாபி சிம்ஹா என இந்தப் பட்டியல் நீளமானது. மாஸ்டர் படத்தில் விஜய்க்கு வில்லனாக விஜய் சேதுபதி மிரட்டியிருந்தார். இந்நிலையில் இந்த வரிசையில் நடிகர் ராகவா லாரன்ஸும் சேர இருப்பதாக ஒரு தகவல் வெளியாகியுள்ளது.

மாஸ்டர் படத்தைத் தொடர்ந்து கமல் நடிக்கும் விக்ரம் படத்தை லோகேஷ் கனகராஜ் இயக்குகிறார் என்பது ஏற்கனவே தெரிந்த தகவல் தான். இந்தப் படத்தின் ஆரம்பகட்ட பணிகள் தற்போது நடைபெற்று வருகிறது. சட்டசபைத் தேர்தல் பணிகளில் கமல் பிஸியாக இருப்பதால், தேர்தலுக்குப் பின்னர் இந்த படத்தின் படப்பிடிப்பு தொடங்கும் என எதிர்பார்க்கப்படுகிறது.

இந்த சூழ்நிலையில் தான் இந்தப் படத்தில் கமலுக்கு வில்லனாக நடிக்க ராகவா லாரன்ஸிடம் நடத்தி வருவதாக தகவல்கள் வெளிவந்துள்ளது. ராகவா லாரன்ஸ் ஹீரோவாக நடித்து தொடர்ந்து வெற்றிப் படங்கள் கொடுத்து வருகிறார். ஹீரோ மட்டுமின்றி இயக்குனர், நடன இயக்குனர், தயாரிப்பாளர் என சினிமாவில் பன்முகத் திறமையாளராக விளங்கி வருகிறார். எனவே விக்ரம் படத்தில் கமலுக்கு வில்லனாக நடித்தால் நன்றாக இருக்கும் என ரசிகர்களிடையே எதிர்பார்ப்பு அதிகரித்துள்ளது.

Vikramfilm

Kamalhaasan

Raghavalawrence

கருத்துகள் (0) கருத்தைப் பதிவு செய்ய

வீடியோ மூலம் வாழ்த்து சொன்ன ஆரி

ஹீரோக்களுடன் சமரசம் இல்லாவிட்டால் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய