9 படங்களில் நடிக்கும் நயன்தாரா : இந்தியாவிலே இவர்தான் டாப்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

19 நவ, 2025 - 12:44 IST

எழுத்தின் அளவு:

நடிகை நயன்தாரா தனது 41வது பிறந்தநாளை நேற்று கொண்டாடினார். அதை முன்னிட்டு அவர் நடிக்கும் படக்குழு சிறப்பு போஸ்டர்களை வெளியிட்டு வாழ்த்து கூறியுள்ளது. முதலாவதாக அவர் கதைநாயகியாக நடிக்கும் மூக்குத்திஅம்மன் 2 குழு, ஒரு அழகான போஸ்டர் வெளியிட்டது. அதை தொடர்ந்து அவர் கதைநாயகியாக நடிக்கும் மண்ணாங்கட்டி, ஹாய், டியர் ஸ்டூடன்ட்ஸ் படக்குழுவும் போஸ்டர் வெளியிட்டது.

தெலுங்கில் பாலகிருஷ்ணா ஜோடியாக நடிக்கும் பெயரிடப்படாத படத்தின் குழுவும், அவர் ராணியாக நடிக்கிறார் என்ற அறிவிப்புடன் போஸ்டர் வெளியிட்டு வாழ்த்தியுள்ளது. இந்த படங்களில் படப்பிடிப்பு பெரும்பாலும் முடிந்துவிட்டதால், அடுத்தாண்டு நயன்தாரா நடிப்பில் பல படங்கள் வர வாய்ப்பு, பாலகிருஷ்ணா படம் மட்டும் அடுத்த ஆண்டு அல்லது அதற்கடுத்த ஆண்டு வரலாம் என்று தகவல்.

இப்போது இந்த படங்கள் தவிர சிரஞ்சீவியுடன் ஒரு படம், யஷ் நடிக்கும் டாக்சிக், ராக்காயி, பேட்ரியாட் படங்களிலும் நயன்தாரா நடித்து வருகிறார். ஆக, அவர் கைவசம் 9 படங்கள் இருக்கிறது. இந்த கணக்கை பார்த்தால் தென்னிந்தியாவில் மட்டுமல்ல இந்திய அளவில் அதிக படங்களில் நடித்து வரும் ஹீரோயின் நயன்தாரா தான்.

நயன்தாராவின் அன்னபூரணி படம் வந்து 2 ஆண்டுகள் ஆகிவிட்டது. அவர் நடித்த டெஸ்ட் சில மாதங்களுக்கு முன்பு ஓடிடியில் வெளியானது. கடந்த 5 ஆண்டுகளில் மூக்குத்தி அம்மன், ஹிந்தியில் ஜவான் என 2 வெற்றி படங்களை மட்டுமே நயன்தாரா கொடுத்து இருக்கிறார் என்பதும் குறிப்பிடத்தக்கது.

Nayanthara

நயன்தாரா

கருத்துகள் (0) கருத்தைப் பதிவு செய்ய

ரீ ரிலீஸ் படங்கள் முடிவுக்கு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய