ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
நடிகை கீர்த்தி சுரேஷின் அம்மா மேனகா பிரபலமான முன்னாள் நடிகை. தமிழில் நெற்றிக்கண் உள்பட சில படங்களில் நடித்தாலும் மலையாளத்தில் நூற்றுக்கும் மேற்பட்ட படங்களில் நடித்தவர். கீர்த்தி சுரேஷின் பாட்டி சரோஜா சினிமாவிற்கு சம்பந்தம் இல்லாதவர். 80 வயதாகும் சரோஜா பேத்தி கீர்த்தி சுரேசுக்கு ஜோடியாக படப்பிடிப்புகளுக்கு செல்வது வழக்கம்.
ரெமோ படத்தின் படப்பிடிப்புக்கு சென்றபோது சிவகார்த்திகேயன் சரோஜா பாட்டியை ஒரே ஒரு காட்சியில் நடிக்க வைத்தார். அப்போதிலிருந்து சரோஜா பாட்டிக்கு சினிமாவில் நடிக்கும் ஆசை ஏற்பட்டது. இந்த நிலையில்தான் தாதா 87 என்ற படம் தயாரிப்புக்கு வந்தது.
இந்தப் படத்தில் சாருஹாசன் தான் ஹீரோ, அவர் தாதாவாக வருகிறார். அவருக்கு 87 வயதாகிறது. அவருக்கு ஜோடியாக நடிக்க நடிகை தேடியபோது சரோஜா பாட்டி நினைவுக்கு வர அவரையே நடிக்க வைத்து விட்டனர். 80 வயது சரோஜா, சாருஹாசன் மனைவியாக நடித்துள்ளார்.
இதுதவிர, பாண்டிராஜ் இயக்கத்தில் கார்த்தி நடிக்கும் கடைக்குட்டிசிங்கம் படத்தில் கார்த்தியின் பாட்டியாகவும் நடிக்கிறார் சரோஜா. தொடர்ந்து பாட்டி வேடத்தில் நடிக்க சரோஜாவுக்கு வாய்ப்புகள் வருகின்றன. இதனால், 80 வயதில் சினிமாவில் பிசியாகியிருக்கிறார் சரோஜா பாட்டி.