புதிய கதைகளை தேடி செல்லும் சிம்பு! | பிரதீப் ரங்கநாதன், அஸ்வத் கூட்டணியில் உருவாகும் டிராகன் படம்! | மீண்டும் ஹிந்துவாக மாறிய இசையமைப்பாளர் ஜிப்ரான்! | 'மணிசித்திரதாழு' படத்தை 50 முறை பார்த்தேன்- போஸ்டருடன் செல்வராகவன் வெளியிட்ட பதிவு! | துருவ் விக்ரம் நடிக்கும் புதிய படத்தின் அப்டேட்டை வெளியிட்ட விக்ரம்! | கடற்கரையில் பிகினியில் நீராடும் கங்குவா நாயகி திஷா பதானி! | மீண்டும் இணைந்த விஜய் தேவரகொண்டா - தில் ராஜூ | தள்ளிப்போகும் இந்தியன் 2 ... அதே தேதியை குறிவைக்கும் ராயன்? | விஜய் 69வது படத்தை தயாரிக்கும் யஷ் பட தயாரிப்பாளர்? | ‛மஞ்சும்மல் பாய்ஸ்' படம் தந்த பாடம்: நடிகர் சித்தார்த் அருண்பாண்டியன் |
தமிழ் சினிமாவில் அடிக்கடி சர்ச்சைகளில் சிக்கும் ஒரு நடிகர் சிம்பு. இரண்டு ஆண்டுகளுக்கு முன்பு அவர் எழுதிப் பாட, அனிருத் இசையமைத்ததாகச் சொல்லப்பட்ட 'பீப்' பாடல் ஒன்று யு டியூபில் 'லீக்' ஆகி பெரும் பரபரப்பை ஏற்படுத்தியது.
பெண்களை கேவலப்படுத்தும் விதத்தில் அமைந்த அந்தப் பாடலை எதிர்த்து மாதர் சங்கங்கள் ஆர்பாட்டங்களை நடத்தின. அனிருத்திற்கும், சிம்புவிற்கும் அவர்களது இமேஜைக் கெடுத்த பாடலாக அந்தப் பாடல் அமைந்தது.
இன்று பத்திரிகையாளர்களைச் சந்தித்த டி.ராஜேந்தரிடம் பீப் பாடல் விவகாரம் குறித்து பத்திரிகையாளர்கள் கேள்வி எழுப்பினர். அதற்குப் பதிலளித்த டி.ராஜேந்தர், “அந்த பீப் பாடல் விவகாரம் என்பது சிம்பு மீது திட்டமிட்டு நடத்தப்பட்ட, அவப்பெயரை ஏற்படுத்த வேண்டுமென நடத்தப்பட்ட ஒரு போர். பொதுவாக இசையமைப்பாளர்கள் டம்மி வார்த்தைகளைப் போட்டுத்தான் பாடல்களை உருவாக்குவார்கள்.
அப்படி உருவாக்கி வைத்திருந்த ஒரு பாடலை யாரோ ஒருவர் எடுத்துச் சென்று வெளியிட்டுவிட்டார். அந்தப் பாட்டை திருடி எடுத்துக் கொண்டு போய், திருட்டுத்தனமாகச் செய்து அவரை மாட்டிவிட்டுவிட்டார்கள். இந்த உலகத்தில் வைட்டமின் 'ப'வுக்காக எத்தனை பேர் இருப்பார்கள். பணம் பாதாளம் வரைக்கும் பாயும். அப்படி ஒரு அட்மின் தான் அந்தப் பாடலை வெளியிட்டுவிட்டார்,” என்றார்.
டம்மி வார்த்தைகள் என்று சொன்னால் அதைக் கூட கெட்ட வார்த்தைகளாகத்தான் போட்டு சிம்பு பாடல் எழுதுவாரா என்பது பற்றி யாரும் அவரிடம் கேட்கவில்லை.