இளையராஜா பற்றி இனி பேசினால் நடப்பதே வேறு : வைரமுத்துவை எச்சரித்த கங்கை அமரன் | ஆன்மிகப் பயணத்தால் மாறிய வாழ்க்கை : ரம்யா பாண்டியன் வெளியிட்ட பதிவு | அஜித் படத்தில் இணையும் இளம் நடிகை | மே 17ல் ரிலீஸ் ஆகும் எலெக்சன் படம் | ஆளைக் கொல்லும் நடிப்பு : பஹத் பாசிலுக்கு நயன்தாரா பாராட்டு | துருவா சார்ஜா வீட்டு விழாவில் குடும்பத்துடன் பங்கேற்ற சஞ்சய் தத் | குஷ்புவுக்கு குழந்தை பிறக்காது என சொன்னார்கள் : மனம் திறந்த சுந்தர்.சி | கூலி டீசர் குறித்து விமர்சிக்கவில்லை : வெங்கட் பிரபு விளக்கம் | நடிப்பு குறித்து கிண்டலடித்த ரசிகைக்கு காட்டமாக பதில் அளித்த மாளவிகா மோகனன் | ஸ்ருதிஹாசன் பிரிவை உறுதி செய்த காதலன் |
ஹரி இயக்கத்தில் விக்ரம் நடிக்கும் 'சாமி-2' படத்தின் படப்பிடிப்பு சில மாதங்களுக்கு முன் தொடங்கியது. 'சாமி-2'வில் விக்ரமுக்கு ஜோடியாக கீர்த்தி சுரேஷ் நடிக்கிறார். பாபி சிம்ஹா வில்லனாக நடிக்கிறார்.
இவர்களுடன் சூரி, பிரபு, ஓ.ஏ.கே.சுந்தர், ஜான் விஜய் ஆகியோரும் நடிக்கிறார்கள். தேவி ஸ்ரீ பிரசாத் இசை அமைக்கிறார். 'புலி' படத்தின் தயாரிப்பாளர்களில் ஒருவரும் 'இருமுகன்' படத்தை தயாரித்தவருமான ஷிபு தமீன், தனது 'தமீன் பிலிம்ஸ்' நிறுவனம் சார்பில் 'சாமி-2'வை தயாரித்து வருகிறார்.
டில்லி, திருநெல்வேலி, மதுரை ஆகிய இடங்களில் இப்படத்தின் படப்பிடிப்பு நடைபெற்றது. நாளை முதல் தூத்துக்குடியில் இரண்டு நாட்கள் படப்பிடிப்பு நடைபெறவிருக்கிறது. தூத்துக்குடியில் நடக்கும் படப்பிடிப்பை முடித்துக் கொண்டு இப்படத்தின் படப்பிடிப்பை ராஜஸ்தான் மாநிலத்திலுள்ள ஜெய்சால்மரில் நடத்த திட்டமிட்டுள்ளார் இயக்குநர் ஹரி.
இதற்காக 'சாமி-2' படக்குழுவினர் மார்ச்-5-ஆம் தேதி ஜெய்சால்மர் பயணமாகின்றனர். ஜெய்சல்மாரில் சாமி2 படத்தின் முக்கியமான சில காட்சிகளையும், அதிரடி சண்டை காட்சிகளையும் படமாக்க திட்டமிட்டுள்ள ஹரி, ஜெய்சால்மரில் 'சாமி-2'வின் படப்பிடிப்பை கிட்டத்தட்ட 20 நாட்கள் நடத்தவிருக்கிறார்.
சமீபத்தில் கார்த்தி நடிப்பில் வெளியான 'தீரன் அதிகாரம்' ஒன்று படத்தின் படப்பிடிப்பு ஜெய்சால்மரில் 50 நாட்களுக்கும் மேல் நடைபெற்றது. இப்போது 'சாமி-2' வின் படப்பிடிப்பும் ஜெய்சால்மரில் தொடர்ந்து பல நாட்கள் நடக்கவிருக்கிறது.
இதுவரை சாமி-2 படத்தின் படப்பிடிப்பு 50 நாட்களுக்கு மேல் நடைபெற்றுள்ளது. இன்னும் 50 நாட்கள் 'சாமி-2'வின் படப்பிடிப்பு நடக்கவிருக்கிறது.