Dinamalar

கூலி டீசர் குறித்து விமர்சிக்கவில்லை : வெங்கட் பிரபு விளக்கம்

இயக்குனர் வெங்கட் பிரபு தற்போது விஜய்யை வைத்து கோட் என்கிற படத்தை இயக்கி வருகிறார். இந்த படத்தில் பிரபுதேவா, பிரசாந்த், மோகன் உள்ளிட்ட பலர் இணைந்து நடித்து வருவதால் இந்த படம் குறித்த எதிர்பார்ப்பு ரசிகர்களிடம் அதிகம் இருக்கிறது. அதற்கு ஏற்றபடி சமீபத்தில் இந்த படத்தில் இருந்து ஒரு பாடல் டீசரையும் வெளியிட்டிருந்தார்கள்.

சமீபத்தில் வெங்கட் பிரபு தனது சோசியல் மீடியா பதிவு ஒன்றில் எல்லா மாஸ் கமர்சியல் படங்களின் டிரைலர்களுமே ஒரே மாதிரியான டிரைலர்கள் தான்.. ஹீரோக்கள் அனைவருமே ஒரே மாதிரியான மாஸ் கலந்த வார்த்தைகளில் பேசும் ஒரே விதமான பஞ்ச் வசனங்கள் கொண்ட டிரைலர்கள் தான் என்று நகைச்சுவையுடன் குறிப்பிட்டு இருந்தார்.

ஆனால் இவரது பதிவு சமீபத்தில் லோகேஷ் கனகராஜ் - ரஜினி கூட்டணியில் உருவாகும் கூலி படத்திற்காக சமீபத்தில் வெளியிடப்பட்ட டீசர் குறித்து தான் என்று நினைத்த ரசிகர்கள் பலரும் வெங்கட் பிரபுவுக்கு தங்கள் கண்டனங்களை தெரிவித்தனர்.

உடனடியாக இதுகுறித்து பதில் அளித்த வெங்கட் பிரபு, “இல்லை இல்லை.. அப்படியெல்லாம் இல்லை.. நாங்கள் எல்லோருமே கமர்சியல் படங்களை செய்து கொண்டிருக்கிறோம். அதனால் அப்படி சொன்னதிலும் கொஞ்சம் உண்மை இருக்கிறது. அதே சமயம் ரசிகர்கள் ஏற்றுக்கொள்ள தயாராக இருந்தால் நாங்களும் வழக்கமான கமர்சியல் வடிவத்தில் இருந்து மாறி கொஞ்சம் வித்தியாசமாக கொடுக்க முயற்சிக்கிறோம்” என்று விளக்கம் அளித்துள்ளார்.

• 
  26 வருடங்களுக்குப் பிறகு மீண்டும் பிரியதர்ஷன் டைரக்ஷனில் நடிக்கும் தபு
• 
  பைரசியில் இருந்து அமீர்கான் படத்தை பாதுகாக்க சென்னை உயர்நீதிமன்றம் ...
• 
  சச்சினுடன் விரலால் கிரிக்கெட் விளையாடிய அமிதாப் பச்சன்
• 
  வித்யூத் ஜம்வால் நிர்வாண போஸ்
• 
  ஹிந்தியில் ஓப்பனிங்கிலேயே சரிவடைந்த பிரபாஸின் 'தி ராஜா சாப்' வசூல்!

• 
  'ஜனநாயகன், டாக்சிக்' : அடுத்தடுத்த சர்ச்சையில் தயாரிப்பு நிறுவனம்
• 
  அவதூறு பரப்பும் விஜய் ரசிகர்கள்! - சாடிய இயக்குனர் சுதா கொங்கரா
• 
  அல்லு அர்ஜூனின் 23வது படத்தை இயக்கும் லோகேஷ் கனகராஜ்; அறிவிப்பு வெளியானது
• 
  பராசக்தி என் நடிப்புக்கான முழுமையான அங்கீகாரத்தை கொடுத்து விட்டது! -ஸ்ரீ ...
• 
  தனுஷ் 54வது படத்தின் புதிய அப்டேட்: நாளை பொங்கல் தினத்தில் வெளியாகிறது!