‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
தென்னிந்திய நடிகைகளில் ஹீரோக்களுக்கு இணையான வலுவான கதாபாத்திரங்களில் நடிப்பதில் வல்லவர் அனுஷ்கா. அவரது சிறந்த நடிப்புக்கு அருந்ததி, பாகுபலி, ராணி ருத்ரம்மா தேவி என பல படங்கள் அமைந்த நிலையில், தற்போது அந்த பட்டியலில் பாகமதியும் சேர்ந்துள்ளது. இந்த படத்திற்கு வழக்கமான ஹாரர் படம்தான் என்கிற விமர்சனங்கள் எழுந்தபோதும் வசூல்ரீதியாக படம் வெற்றி பெற்றுள்ளது. குறிப்பாக, ஆந்திராவில் மட்டும் 10 கோடி வசூலித்துள்ளது பாகமதி.
மேலும், பாகமதி படத்தை பார்த்து விட்டு திரையுலகினர் பலரும் அனுஷ்காவுக்கு வாழ்த்துக்களை சொல்லி வருகிறார்கள். அந்த வகையில், நடிகர் ராம்சரணும் பாகமதி படத்தை ஐதராபாத்திலுள்ள ஒரு தியேட்டருக்கு குடும்பத்துடன் சென்று பார்த்து ரசித்துள்ளார். படம் பற்றி ராம் சரண் கூறுகையில், ரங்கஸ் தலம் படப்பிடிப்பு விறுவிறுப்பாக நடந்து கொண்டிருக்கிறது. இந்த நேரத்திலும் பாகமதி படத்தை தியேட்டருக்கு சென்று பார்த்தேன். அனுஷ்காவின் நடிப்பு பிரமிக்கத்தக்க வகையில் உள்ளது. டெக்னிக்கல் ரீதியாகவும் மிரட்டியிருக்கிறார்கள். படக்குழுவுக்கு வாழ்த்துக்கள் என்று தெரிவித்துள்ளார்.