Dinamalar

'பாகமதி' வெற்றிக்கு அனுஷ்கா நன்றி

எழுத்தின் அளவு:

தென்னிந்திய திரையுலகில் மட்டுமல்லாது இந்திய திரையுலகிலும் கடந்த சில வருடங்களாக 'பாகுபலி' படத்தின் மூலம் அதிகம் கவனிக்கப்பட்ட ஹீரோயினாக விளங்கியவர் அனுஷ்கா. 'பாகுபலி' படத்தின் இரண்டு பாகங்களிலும் அவருடைய தோற்றமும், அழகும், நடிப்பும் ரசிகர்கள் அனைவரையும் கவர்ந்தது. அந்தப் படங்கள் அவருடைய இமேஜை இன்னும் அதிகமாக உயர்த்தின.

'பாகுபலி' படத்தின் இரண்டு பாகங்களிலும் அனுஷ்கா பிஸியாக நடித்துக் கொண்டிருந்ததால் கடந்த நான்கு வருடங்களாக அவருக்காகவே காத்திருந்து 'பாகமதி' படத்தை எடுத்து முடித்து கடந்த வாரம் வெளியிட்டார்கள். தெலுங்கில் நல்ல வரவேற்புடன் ஓடிக் கொண்டிருக்கும் இப்படத்திற்கு ரசிகர்கள் கொடுத்த வெற்றிக்காக அனுஷ்கா நன்றி தெரிவித்துள்ளார்.

“பாகமதி' படத்தைப் பாராட்டியதற்காக ஒவ்வொருவருக்கும் நன்றி தெரிவித்துக் கொள்கிறேன். என்னுடைய திரையுலக வாழ்க்கையில் நினைவில் வைத்துக் கொள்ளக் கூடிய ஒரு படமாக இந்தப் படத்தை உருவாக்கி, எனக்காகவே நான்கு வருடங்கள் காத்திருந்த இயக்குனர் அசோக், மற்றும் யுவி குழுவினர் ஆகியோருக்கு சிறப்பு நன்றிகள். நீங்கள் நிச்சயம் ரசிக்க வேண்டும் என்பதற்காகவே, நாங்கள் நடிக்கும் ஒவ்வொரு கதாபாத்திரத்திலும் கடினமாகவே உழைக்கிறோம். என்னுடைய வாழ்க்கையில் நிபந்தனையற்ற அன்பு செலுத்தி வரும் என்னுடைய ரசிகர்கள், நலன் விரும்பிகள் அனைவருக்கும் நன்றி,” என அனுஷ்கா தெரிவித்துள்ளார்.

தெலுங்கில் முன்னணி ஹீரோக்களின் படங்களே தோல்வியைத் தழுவி வரும் நிலையில் ஹீரோயின் அனுஷ்காவின் படம் வெற்றி பெற்றுள்ளது திரையுலகினருக்கும் மற்ற ஹீரோக்களின் ரசிகர்களுக்கும் ஆச்சரியமாக உள்ளது. இத்தனைக்கும் 'பாகமதி' வழக்கமான பேய்ப் படமாகத்தானே இருக்கிறது என அவர்கள் கமெண்ட் செய்கிறார்களாம்.

• 
  கமல் நாயகியை நடு ரோட்டில் தாக்கி கொள்ளை : டில்லியில் பரபரப்பு
• 
  ஸ்ரீதேவி பங்களாவில் நிறைய ரகசியங்கள் உள்ளன : இயக்குநர்
• 
  ஜான்சி ராணியை எதிர்த்தால் அழித்து விடுவேன்: கங்கனா எச்சரிக்கை
• 
  சர்ச்சையைக் கிளப்பிய ஸ்ரீதேவி பங்களா
• 
  ராக்கி சாவந்த்தை விமர்சித்த முன்னாள் காதலருக்கு அடி உதை

• 
  ஆனந்த் மகாதேவன் விலகல் : மாதவனே இயக்குகிறார்
• 
  பெரிய பேனர், அண்டாவில் பாலாபிஷேகம் : மாற்றி பேசும் சிம்பு
• 
  ஜித்தன் ரமேஷின் உங்கள போடனும் சார்
• 
  அரசியல் எனக்கு வேண்டாம் : அஜித் பளீச்
• 
  சொன்னதை செய்த இளையராஜா