ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
சேது படம் மூலம் விக்ரமின் சினிமா வாழ்க்கையில் திருப்புமுனையை ஏற்படுத்தி வைத்தவர் டைரக்டர் பாலா. அதன்பிறகு பாலா இயக்கத்தில் நடித்த பிதாமகன் படத்திலும் மாறுபட்ட ரோலில் நடித்தார் விக்ரம். இந்த நிலையில், விக்ரமின் மகன் துருவ் விக்ரம் நடிக்கும் வர்மா படத்தையும் பாலா இயக்குவது எதிர்பார்ப்பினை ஏற்படுத்தியிருக்கிறது.
தெலுங்கில் வெளியான அர்ஜூன் ரெட்டி படத்தின் தமிழ் ரீமேக்கான இந்த வர்மா படத்தின் பர்ஸ்ட் லுக் வெளியிடப்பட்டுள்ள நிலையில், படத்தில் நாயகியாக நடிப்பது யார் என்பது இன்னும் உறுதிப்படுத்தப் படவில்லை. தெலுங்குப்பதிப்பில் ஷாலினி பாண்டே நடித்திருந்த நிலையில், தமிழில் ஸ்ரேயா சர்மா நடிக்கயிருப்பதாக செய்திகள் வெளியாகி வருகின்றன.
ஆனால் அதை வர்மா படக்குழு இன்னும் உறுதிப்படுத்தவில்லை. இந்த நிலையில், வர்மா பட நாயகி யார் என்கிற சஸ்பென்சை விக்ரம் உடைக்கயிருப்பதாக செய்தி வெளியானது. இந்த வர்மா படம் சம்பந்தப்பட்ட ஒவ்வொரு செய்திகளையும் ஆரம்பத்தில் இருந்தே தனது இணைய பக்கத்தில் விக்ரம் வெளியிட்டு வருகிறார். அந்த வகையில் இன்று வர்மா பட நாயகி யார் என அவர் அறிவிப்பார் என எதிர்பார்க்கப்பட்ட நிலையில், படத்தின் நாயகி யார் என இன்னும் முடிவு செய்யப்படவில்லை என விக்ரம் குறிப்பிட்டுள்ளார்.
மேலும், வர்மா படத்தின் நாயகி எப்படி இருக்க வேண்டும் என்பதை சொல்லும் விதமாக வீடியோ ஒன்றையும் அவர் பதிவிட்டுள்ளார்.