ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
2016ம் ஆண்டு வெளிவந்த 'ஜில் ஜங் ஜக்' படத்திற்கு எந்தப் பட வாய்ப்புகளும் இல்லாமல் இருந்தார் சித்தார்த். வேறு வழியில்லாமல் மீண்டும் சொந்தப் படத் தயாரிப்பில் இறங்கினார். மணிரத்னத்திடம் உதவி இயக்குனராக இருந்த காலத்தில் அவருடைய நண்பராக இருந்த மற்றொரு உதவி இயக்குனர் மிலின்ட் இயக்கத்தில் 'அவள்' என்ற படத்தை ஆரம்பித்தார்.
இந்தப் படத்தை ஒரே சமயத்தில் ஹிந்தி, தெலுங்கு, தமிழ் ஆகிய மொழிகளில் எடுத்ததாகச் சொல்கிறார்கள். தற்போது இப்படி சொல்வது பேஷன் ஆகிவிட்டது. எந்த ஒரு மொழியில் மட்டும் நேரடியாக எடுத்திருக்கிறார்கள் என்று படத்தைப் பார்த்தால்தான் தெரியும்.
தமிழில் 'அவள்' என்ற பெயரில் இன்று வெளியாகும் இந்தப் படம், ஹிந்தியில் தி ஹவுஸ் நெக்ஸ்ட் டோர்' என்ற பெயரில் வெளியாகிறது. தெலுங்கில் 'குருஹம்' என்ற பெயரில் இன்று வெளியாவதாக இருந்த இந்தப் படம் சரியான தியேட்டர்கள் கிடைக்காததால் நவம்பர் 10ம் தேதிக்குத் தள்ளி வைக்கப்பட்டுள்ளது.
சித்தார்த் நடித்த தெலுங்குப் படம் வெளியாகி சுமார் நான்கு வருடங்கள் ஆகிவிட்டது. அவரை ஏறக்குறைய தெலுங்குத் திரையுலகில் ஒதுக்கி வைத்துவிட்டனர். இன்று ஒரே சமயத்தில் தெலுங்கிலும் ரீ-என்ட்ரி கொடுக்கலாம் என்று சித்தார்த் ஆசைப்பட்டிருந்தார், அதுவும் நடக்க முடியாமல் போய்விட்டது.