ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
லிங்குசாமி தயாரித்த ரஜினிமுருகன் படத்தில் நடித்தபோது ஏற்பட்ட கசப்பான அனுபவம் காரணமாக, தொடர்ந்து தனது நண்பர் ராஜா தயாரிக்கும் படங்களில் நடித்து வருகிறார் சிவகார்த்திகேயன். முதல் தயாரிப்பாக 'ரெமோ' படத்தைத் தயாரித்த 24 ஏ.எம். ஸ்டுடியோஸ், அடுத்து மோகன்ராஜா இயக்கத்தில் 'வேலைக்காரன்' படத்தையும் ஆரம்பித்தது.
அது மட்டுமல்ல, தொடர்ந்து பொன்ராம், இன்று நேற்று நாளை பட இயக்குநர் ரவிகுமார் ஆகியோரது படங்களில் சிவகார்த்திகேயன் நடிக்க இருப்பதாகவும் இந்த படங்களையும் 24 ஏ.எம்.ஸ்டுடியோஸ் பட நிறுவனமே தயாரிக்க இருப்பதாகவும் அதிகாரபூர்வமாக அறிவிக்கப்பட்டது.
“ஏற்கனவே சிவகார்த்திகேயனுக்கு அட்வான்ஸ் கொடுத்திருப்பதாகவும், எங்களுக்கு கால்ஷீட் கொடுக்காமல் 24 ஏ.எம்.ஸ்டுடியோஸ் நிறுவனத்துக்கு அடுத்தடுத்து படம் பண்ணக் கூடாது” என்று தமிழ்த்திரைப்பட தயாரிப்பாளர்கள் சங்கத்தில், ஸ்டுடியோக்ரீன் கே.இ.ஞானவேல்ராஜா, எஸ்கேப் ஆர்ட்டிஸ்ட் மதன், வேந்தர் மூவீஸ் மதன் (சார்பில் டி.சிவா) ஆகிய மூன்று தயாரிப்பாளர்களும், புகார் கொடுத்தனர்.
மூன்று தயாரிப்பாளர்கள் கொடுத்த புகாரின் அடிப்படையில், சிவகார்த்திகேயனை அழைத்து பேசிய தயாரிப்பாளர்கள் சங்கம், மூவருக்கும் கால்ஷீட் கொடுத்து பிரச்சனையை சுமுகமாக முடிக்கும்படி கேட்டுக்கொண்டது. அதற்கு சிவகார்த்திகேயனும் ஒப்புக்கொண்டார்.
இந்நிலையில், 'நானும் ரௌடிதான்' பட இயக்குநர் விக்னேஷ் சிவன் இயக்கத்தில் சிவகார்த்திகேயன் நடிக்கிறார் என்ற தகவல் தற்போது வெளியாகி இருக்கிறது. இந்தப் படத்தையும் 24 ஏ.எம். ஸ்டுடியோஸ் நிறுவனமே தயாரிக்க இருப்பதாக கூறப்படுகிறது.
இதனால் இப்போது மீண்டும் இந்த பிரச்னை வெடிக்கும் என தெரிகிறது. இதனால் ஆரம்பநிலையிலேயே சிவகார்த்திகேயன் - விக்னேஷ் சிவன் படத்திற்கு முட்டுக்கட்டை ஏற்பட்டிருக்கிறது.