ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
தமிழ்த் திரைப்பட வர்த்தக சபை சார்பாக அதில் இணைந்த வினியோகஸ்தர்கள் சங்கத்தினர், தியேட்டர் உரிமையாளர்கள் ஒன்று சேர்ந்து ஜுலை 3ம் தேதி முதல் தியேட்டர்களை மூடி ஸ்டிரைக் நடத்தி வருகிறார்கள். இதற்கு தயாரிப்பாளர் சங்கம் சார்பாக ஆதரவு தரப்படவில்லை.
அரசாங்கத்திடம் தொடர்ந்து பேச்சு வார்த்தை நடத்தினாலும் இன்னமும் எந்த ஒரு தீர்வும் எட்டப்படவில்லை. இதனிடையே, கடந்த வாரம் 30ம் தேதி வெளியான படங்களும், அதற்கு முன் வெளியாகி ஓடிக் கொண்டிருந்த படங்களும் இந்த ஸ்டிரைக்கால் பெரும் நஷ்டத்தைச் சந்தித்துள்ளன.
தயாரிப்பாளர் சங்கத்திடமும், இயக்குனர்கள் சங்கத்திடமும் எந்த ஒரு ஆலோசனையும் செய்யாமல் திரைப்பட முதலீட்டாளர்களின் கருத்துக்களையும் ஏற்றுக் கொள்ளாமல், திரைப்பட உருவாக்க இயக்குனர்களின் கருத்துக்களையும் ஏற்றுக் கொள்ளாமல் தமிழ்த் திரைப்பட வர்த்தக சபை தன்னிச்சையாக இந்த ஸ்டிரைக்கை அறிவித்தது.
இதனால், கடந்த 30ம் தேதி வெளிவந்த படங்களில் விமர்சன ரீதியாக நல்ல வரவேற்பைப் பெற்ற 'இவன் தந்திரன்' படம் பெரும் நஷ்டத்தைச் சந்தித்துள்ளது. அதற்கு முந்தைய வாரங்களில் வெளிவந்த 'மரகத நாணயம், வனமகன் ஆகிய படங்களும் குறிப்பிடத்தக்க நஷ்டத்தை அடைந்துள்ளன.
அதோடு, இந்த வாரம் ஜுலை 7ம் தேதி வெளிவருவதாக அறிவிக்கப்பட்ட படங்களும், அடுத்த வாரம் 14ம் தேதி வெளிவருவதாக அறிவிக்கப்பட்ட படங்களும் அடுத்து எப்போது வெளியாகும் என்று ஒரு குழப்ப நிலை ஏற்பட்டுள்ளது.
இந்த தியேட்டர் ஸ்டிரைக்கிற்கு பொதுமக்கள் மத்தியிலும் ஆதரவு இல்லை. ஜிஎஸ்டியால் பொருட்களின் விலை உயர்வு அடைந்துள்ளதால் மக்கள் கவனம் முழுவதும் ஜிஎஸ்டி மீதே உள்ளது. மேலும், தியேட்டர் ஸ்டிரைக் என்பது தியேட்டர்காரர்களுக்கு கேளிக்கை வரி நீக்கம் என்பதற்குப் பதிலாக, டிக்கெட் கட்டண உயர்வு என்பதில்தான் இருக்கிறது. எனவே, தியேட்டர் ஸ்டிரைக் இதற்கு மேலும் நீடித்தால் அது திரையுலகினருக்குதான் பிரச்சனையை ஏற்படுத்தும் என்று பொதுமக்கள் கருதுகிறார்கள்.