ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
2014ம் ஆண்டு ஹிந்தியில் வெளிவந்து மிகப் பெரும் வரவேற்பையும், வசூலையும் பெற்ற படம் 'குயின்'. நடிகை கங்கனா ரனவத்-திற்கு இந்தப் படம் மிகப் பெரும் திருப்புமுனையை ஏற்படுத்திக் கொடுத்தது. இந்தப் படத்தை தென்னிந்திய மொழிகளில் ரீமேக் செய்யும் உரிமையை நடிகர் தியாகராஜன் வாங்கினார். தமிழ், தெலுங்கு, கன்னடம், மலையாளம் என நான்கு மொழிகளிலும் ஒரே சமயத்தில் படத்தைத் தயாரிக்க அவர் முயற்சிகள் எடுத்து வந்தார். இந்த நிலையில் கன்னடத்தில் இப்படத்தின் துவக்க விழா நேற்று நடைபெற்றது.
'பட்டர்ஃபிளை' எனப் பெயரிடப்பட்டுள்ள இந்தப் படத்தை நடிகர் ரமேஷ் அரவிந்த் இயக்குகிறார். கன்னட நடிகையான பருல் யாதவ், ஹிந்தியில் கங்கனா ரனவத் நடித்த கதாபாத்திரத்தில் நாயகியாக நடிக்கிறார். ஹிந்தியில் லிசா ஹைடன் நடித்த கதாபாத்திரத்தில் எமி ஜாக்சன் நான்கு மொழிகளிலும் நடிக்க சம்மதித்துள்ளதாக செய்திகள் வெளியாகியுள்ளன.
தனுஷ் நாயகனாக நடித்து 2004ம் ஆண்டு வெளிவந்த 'ட்ரீம்ஸ்' படத்தில் இரண்டு கதாநாயகிகளில் ஒருவராக அறிமுகமானவர் பருல் யாதவ். அந்தப் படம் ஓடாமல் போனதால் அவருடைய அறிமுகத்தை தமிழில் யாருமே கண்டு கொள்ளவில்லை. அதன் பின் கன்னடப் படங்களில் நடிக்கத் துவங்கிய பருல் யாதவ், தற்போது கன்னடத் திரையுலகில் முன்னணி நடிகைகளில் ஒருவராக இருக்கிறார்.
'குயின்' கன்னட ரீமேக் ஆரம்பமாகியுள்ள நிலையில் மற்ற மொழிகளில் யார் நடிக்கப் போகிறார்கள், யார் இயக்கப் போகிறார்கள் என்பது இன்னும் புதிராகவே உள்ளது.