அமைதிப்படை பாணியில் ஆர்.கே.நகர்

04 ஜூன், 2017 - 10:43 IST

0 கருத்துகள் கருத்தைப் பதிவு செய்ய

எழுத்தின் அளவு:

மங்காத்தா படத்துக்கு பிறகு வெங்கட் பிரபு இயக்கிய படங்கள் எல்லாம் தோல்வியடைந்து வருகின்றன. அதனால் அவரை வைத்து படம் எடுக்க நினைத்த தயாரிப்பாளர்கள் எல்லாம் பின்வாங்கிவிட்டனர்.

எனவே வேறு வழியில்லாமல் 'பிளாக் டிக்கெட்' என்ற பட நிறுவனம் தொடங்கி அதன் சார்பில் 'சென்னை-600028 - இரண்டாவது இன்னிங்ஸ்' படத்தை தயாரித்து இயக்கினார் வெங்கட் பிரபு. அந்தப்படமும் காலை வாரிவிட்டதால் அப்ஸெட்டானார்.

மீண்டும் தயாரித்து இயக்கினால் பெரிய ஹீரோவை வைத்துத்தான் படம் பண்ண வேண்டும் என்ற முடிவில் உள்ள வெங்கட்பிரபு, தற்போது சின்னபட்ஜெட்டில் 'ஆர்.கே.நகர்' என்ற படத்தை தயாரிக்கிறார். வெங்கட் பிரபுவின் உதவியாளரும், 'வடகறி' படத்தை இயக்கிய வருமான சரவணராஜன் என்பவர் இந்த படத்தை இயக்குகிறார்.

'ஒரு நாயகன் உருவாகிறான்'என்ற டேக் லைனோடு படத்தின் டைட்டிலை அறிவித்தார் வெங்கட் பிரபு. இந்த படம் அரசியல் பின்னணியில் எடுக்கப்படவிருக்கும் படம் என்று சொல்லப்படுகிறது.

அதாவது அமைதிப்படையில் சத்யராஜ் நடித்த அமாவாசை கேரக்டர் போல் அடிமட்டத்திலிருந்து அமைச்சராக உயரும் அரசியல் கட்சியின் தொண்டன் பற்றிய கதையாம்.

இந்த படத்தில் வெங்கட் பிரபுவின் டீமை சேர்ந்த வைபவ், சனா, சம்பத் ஆகியோர் முக்கிய வேடங்களில் நடிக்கிறார்கள்.

மக்களுக்கு ஆறுதலான செய்தி... இந்தப் படத்தில் பிரேம்ஜி நடிக்கவில்லையாம்.

Venkat Prabhu

RK Nagar

வெங்கட்பிரபு

ஆர்.கே.நகர்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய