Dinamalar

நடிகர்கள் சூர்யா, சரத்குமார் உள்ளிட்ட 8பேருக்கு பிடிவாரன்ட்

ஊட்டி: பத்திரிகையாளர்களை அவதுாறாகப் பேசிய வழக்கில், நடிகர்கள் சூர்யா, சத்யராஜ் உள்ளிட்ட எட்டு பேருக்கு, ஊட்டி கோர்ட், பிடிவாரன்ட் பிறப்பித்துள்ளது.

கடந்த, 2009, அக்.,2ல், நடிகை புவனேஸ்வரி, விபசார வழக்கில் சென்னையில் கைது செய்யப்பட்டார். இதுகுறித்த செய்தி, தினமலர் நாளிதழில் வெளியானது. இதைத் தொடர்ந்து, அக்., 7ல், சென்னையில் நடந்த தென்னிந்திய நடிகர்கள் சங்க கூட்டத்தில் நடிகர்கள் பலர், பத்திரிகையாளர்களை கடுமையாகவும், மிக தரக்குறைவாகவும் விமர்சித்தனர்.

இதையடுத்து, ஊட்டியைச் சேர்ந்த பத்திரிகையாளர் ரிசோரியா மரிய சூசை என்பவர், ஊட்டி ஜே.எம்., கோர்ட்டில் நடிகர்கள் சூர்யா, சரத்குமார், சத்யராஜ், அருண் விஜயகுமார், விஜயகுமார், இயக்குனர் சேரன், காமெடி நடிகர் விவேக், நடிகை ஸ்ரீபிரியா ஆகியோர் மீது வழக்கு தொடர்ந்தார்.இந்த வழக்கின் விசாரணைக்கு நடிகர்கள் யாரும் கோர்ட்டில் ஆஜராகவில்லை. இந்நிலையில், 2012, ஜன., 3ல், நடிகர்கள் சார்பில், சென்னை உயர் நீதிமன்றத்தில் வழக்கு தொடரப்பட்டது. அதில், எங்கள் மீது தொடரப்பட்ட பொய்யான வழக்கை தள்ளுபடி செய்ய வேண்டும் என, கோரியிருந்தனர்.

இந்த வழக்கு தொடர்பாக நடந்த விசாரணைகளுக்குப் பின், இம்மாதம், 15ம் தேதி, நடிகர்களின் மனுவை சென்னை உயர் நீதிமன்றம் தள்ளுபடி செய்தது. இந்நிலையில், ஊட்டி கோர்ட்டில், வழக்கு நேற்று விசாரணைக்கு வந்தது. மாஜிஸ்திரேட் செந்தில்குமார் ராஜவேல், கோர்ட்டில் ஆஜராக, நடிகர்கள் உள்ளிட்ட எட்டு பேருக்கும், ஜாமினில் வெளிவர முடியாத பிடிவாரன்ட் பிறப்பித்து உத்தரவிட்டார்.

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு

• 
  சமந்தாவுக்கு விலை உயர்ந்த திருமண பரிசு கொடுத்த ராஜ் நிடிமொரு
• 
  ‛கோழிப்பண்ணை செல்லத்துரை' நாயகனின் அடுத்த படம் ‛ஹைக்கூ'
• 
  அஜித்தின் கார் ரேஸை ஆவண படமாக்கும் ஏ.எல்.விஜய்
• 
  ரஜினி படத்திற்கு இசையமைக்கும் சாய் அபயன்கர்
• 
  ரவி தேஜா,பிரியா பவானி சங்கர் படத்தின் தலைப்பு இருமுடி?