கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் | நான்கு மொழிகளில் ரீமேக்காகும் ஹிட் தொடர் | அந்தமானுக்கு ஹனிமூன் சென்ற சுவாசிகா - பிரேம் ஜாக்கப் | ஒரே வருடத்தில் எண்ட் கார்டு போட்ட ஹிட் சீரியல் : ரசிகர்கள் வருத்தம் | அமரன் படத்தின் இறுதிகட்ட படப்பிடிப்பு விறுவிறுப்பு | வீர தீர சூரன் படத்தில் மூன்று தோற்றத்தில் நடிக்கும் விக்ரம் | ஜூனியர் என்டிஆரை இயக்கும் அஜய் ஞானமுத்து? | ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! |
கமல்ஹாசன் நடிப்பு, இயக்கத்தில் 2013ம் ஆண்டு பல்வேறு பிரச்சனைகளுக்குப் பிறகு வெளிவந்த படம் 'விஸ்வரூபம்'. அந்தப் பிரச்சனைகளே படத்திற்கு நல்ல விளம்பரத்தைத் தேடிக் கொடுத்ததால் படமும் வெற்றிப் படமாக அமைந்தது. தொடர்ந்து படத்தின் இரண்டாம் பாகம் அப்போதே வெளிவரும் என்று எதிர்பார்க்கப்பட்டது. ஆனால், கமல்ஹாசனுக்கும் தயாரிப்பாளருக்கும் இடையில் ஏற்பட்ட பிரச்சனை காரணமாக அது அப்படியே கிடப்பில் போடப்பட்டது.
'சபாஷ் நாயுடு' படத்தின் படப்பிடிப்பை மீண்டும் ஆரம்பிக்க முடியாத சூழல் தற்போது உருவாகியுள்ளதால், அந்தப் படத்தைத் திரும்பவும் ஆரம்பிப்பதற்கு முன்பாக 'விஸ்வரூபம் 2' படத்தை வெளியிட கமல்ஹாசன் முயற்சி எடுத்து வந்தார். அவை ஒரு வழியாக சமாதானமாக நடைபெற்று தற்போது படத்தின் வேலைகள் மீண்டும் ஆரம்பமாகியுள்ளது.
இரண்டு நாட்களுக்கு முன்பாக இப்படத்தின் படப்பிடிப்புக்கு பிந்தைய பணிகளும், இசைக்கோர்ப்பு வேலைகளும் ஆரம்பமாகியுள்ளன. கமல்ஹாசனிடம் இணை இயக்குனராக இருக்கும் ராஜேஷ் எம் செல்வா இது பற்றிய தகவலை வெளியிட்டுள்ளார். இசையமைப்பாளர் ஜிப்ரானும் படத்தின் பின்னணி இசைப் பணிகளை ஆரம்பித்துவிட்டதாகத் தெரிவித்துள்ளார்.
அக்டோபர் அல்லது டிசம்பர் மாதம் 'விஸ்வரூபம் 2' வெளியாகும் என்று எதிர்பார்க்கப்படுகிறது.