கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் | நான்கு மொழிகளில் ரீமேக்காகும் ஹிட் தொடர் | அந்தமானுக்கு ஹனிமூன் சென்ற சுவாசிகா - பிரேம் ஜாக்கப் | ஒரே வருடத்தில் எண்ட் கார்டு போட்ட ஹிட் சீரியல் : ரசிகர்கள் வருத்தம் | அமரன் படத்தின் இறுதிகட்ட படப்பிடிப்பு விறுவிறுப்பு | வீர தீர சூரன் படத்தில் மூன்று தோற்றத்தில் நடிக்கும் விக்ரம் | ஜூனியர் என்டிஆரை இயக்கும் அஜய் ஞானமுத்து? | ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! |
தனுஷ்-வெற்றிமாறன் தயாரிப்பில் மணிகண்டன் இயக்கிய படம் காக்கா முட்டை. இந்த படத்தில் இரண்டு பையன்களுக்கு அம்மாவாக நடித்திருந்தார் ஐஸ்வர்யா ராஜேஷ். அப்படத்தில் அவரது பர்பாமென்ஸ் பேசப்பட்டதை அடுத்து தற்போது பேசப்படும் நடிகை பட்டியலில் இடம் பிடித்துள்ளார் அவர். மேலும், காக்கா முட்டை படத்தை தயாரித்த தனுசுடன் ஜோடி சேரவேண்டும் என்கிற ஆசையும் தனக்கு இருப்பதாக கூறிவந்த ஐஸ்வர்யா ராஜேஷ்க்கு இப்போது வடசென்னை படத்தில் அந்த வாய்ப்பு கிடைத்து விட்டது.
இந்த படத்தில் தனுசுக்கு ஜோடியாக முதலில் சமந்தா நடிக்கயிருந்தார். அதன்பிறகு அமலாபால் கமிட்டானார். ஆனால் இப்போது அப்படத்தின் இரண்டாம் கட்ட படப்பிடிப்பு கடந்த சில தினங்களாக நடந்து வரும் நிலையில், ஐஸ்வர்யா ராஜேஷ் தனுசுக்கு ஜோடியாக நடித்துக்கொண்டிருக்கிறார். இதுபற்றி அவரைக் கேட்டபோது, வடசென்னை படத்தில் எனக்கு வாய்ப்பு கிடைக்கும் என்று நான் நினைத்தே பார்க்கவில்லை. ஆனால் அமலாபால் இந்த படத்தில் இல்லை என்றதும், என்னை அழைத்தனர். அதற்கு காரணம் காக்கா முட்டை படம் தான். அந்த படத்தைபோன்று குப்பத்து பெண் வேடம் என்பதால், தயங்காமல் என்னை அழைத்து விட்டனர். ஆக, காக்கா முட்டை மூலம் நல்ல நடிகை என்ற பெயரை பெற்ற நான், இப்போது தனுஷ் போன்ற முன்னணி நடிகருக்கு ஜோடி சேரும் வாய்ப்பினையும் பெற்றிருக்கிறேன் என்கிறார் ஐஸ்வர்யா ராஜேஷ்.