இளையராஜா பற்றி இனி பேசினால் நடப்பதே வேறு : வைரமுத்துவை எச்சரித்த கங்கை அமரன் | ஆன்மிகப் பயணத்தால் மாறிய வாழ்க்கை : ரம்யா பாண்டியன் வெளியிட்ட பதிவு | அஜித் படத்தில் இணையும் இளம் நடிகை | மே 17ல் ரிலீஸ் ஆகும் எலெக்சன் படம் | ஆளைக் கொல்லும் நடிப்பு : பஹத் பாசிலுக்கு நயன்தாரா பாராட்டு | துருவா சார்ஜா வீட்டு விழாவில் குடும்பத்துடன் பங்கேற்ற சஞ்சய் தத் | குஷ்புவுக்கு குழந்தை பிறக்காது என சொன்னார்கள் : மனம் திறந்த சுந்தர்.சி | கூலி டீசர் குறித்து விமர்சிக்கவில்லை : வெங்கட் பிரபு விளக்கம் | நடிப்பு குறித்து கிண்டலடித்த ரசிகைக்கு காட்டமாக பதில் அளித்த மாளவிகா மோகனன் | ஸ்ருதிஹாசன் பிரிவை உறுதி செய்த காதலன் |
சினிமாவுக்கு த்ரிஷா, வித்யாபாலன், ப்ரியா மணி, பத்மப்ரியா உள்ளிட்ட பல அழகிகளை தந்த பாலக்காட்டிலிருந்து புறப்பட்டு வந்தவர் சுபிக்ஷா. சினிமா கனவுடன் வந்தவர் சென்னையிலேயே தங்கியிருந்து வாய்ப்பு தேடினார். பெரும் தேடலுக்கு பிறகு பாரதிராஜா இயக்கிய அன்னக்கொடி படத்தில் நடிக்க வாய்ப்பு கிடைத்தது. கார்த்திகா ஹீரோயின். இரண்டாது ஹீரோயின் சுபிக்ஷா என்றார்கள். இரண்டாவது ஹீரோயினாக இருந்தாலும் பரவாயில்லை பாரதிராஜா படமாச்சே என்று நடித்தார். 20 நாள் படப்பிடிப்பில் கலந்து கொண்டார். ஆனால் படத்தில் வந்தது இரண்டு காட்சிகள்தான்.
இதனால் பெரும் ஏமாற்றம் அடைந்த சுபிக்ஷா அதற்காக மனம் தளர்ந்து விடாமல் தொடர்ந்து முயற்ச்சி செய்தார். மலையாளப் படங்களில் சின்ன சின்ன கேரக்டர்கள் கிடைத்தது. அதிலும் நடித்தார். திரைக்கு வராத கதை என்ற படத்தில் நான்கு ஹீரோயின்களில் ஒருவராக நடித்தார். அந்த படம் திரைக்கு வந்த வேகத்தில் திரும்பி விட்டது.
இந்த நிலையில்தான் பலாஜி சக்திவேல் இயக்கும் ரா...ரா...ராஜ்குமார் என்ற படத்தில் ஹீரோயினாக நடிக்க வாய்ப்பு கிடைத்தது. அந்த படத்தின் மூலமாகத்தான் விஜய் மில்டன் இயக்கும் கடுகு படத்தில் பரத் ஜோடியாக நடிக்க வாய்ப்பு கிடைத்து. ராஜ்குமார் முதல் படமாக இருந்தாலும் கடுகுதான் முதலில் வெளிவருகிறது. இதில் அல்ட்ரா மார்டன் பாடி பில்டரான பரத்தை காதலிக்கும் கிராமத்து பெண்ணாக பாவாடை தாவணி அணிந்து நடித்திருக்கிறார். இரு பெரும் இயக்குனர்களிடம் நடித்த ராசியில் தற்போது நேத்ரா, ரீங்கார ஓசை படத்தில் நடித்து வருகிறார். என்றாலும் கடுகு படத்தின் முடிவை பொருத்தே சுபிக்ஷாவின் எதிர்காலம் தீர்மானிக்கப்படும் நிலை. கடுகு தனக்கு கை கொடுக்கும் என்ற நம்பிக்கையில் இருக்கிறார் சுபிக்ஷா.