Dinamalar

ஆர்யாவின் ‛கடம்பன்' ஷூட்டிங் முடிந்தது - வெற்றி கிட்டுமா...?

கடந்த சில வருடங்களாக படத்தயாரிப்பை நிறுத்திவிட்டு படங்களுக்கு பைனான்ஸ் செய்யும் தொழிலை மட்டும் செய்து வந்தார் 'சூப்பர் குட் ஃபிலிம்ஸ்' ஆர்.பி.சௌத்ரி. கடைசியாக விஜய் நடித்த ஜில்லா படத்தை தயாரித்தவர் தற்போது 'மஞ்சப்பை' படத்தை இயக்கிய ராகவா இயக்கத்தில் ஆர்யா நடிக்கும் 'கடம்பன்' படத்தை தயாரித்து வருகிறார். கடந்த சில மாதங்களாக காடுகளிலும், மலைப்பகுதிகளிலம் கடம்பன் படத்தின் படப்பிடிப்பு நடைபெற்று வந்தது. கடந்த புதன் கிழமை அன்று படப்பிடிப்பு முடிவடைந்து பூசணிக்காய் உடைத்தனர். இறுதிநாள் படப்பிடிப்பில் படத்தின் தயாரிப்பாளர் ஆர்.பி.சௌத்ரி உட்பட பலர் கலந்துகொண்டு படக்குழுவினரை வாழ்த்தியுள்ளனர்.

ஆர்யாவுக்கு ஜோடியாக கேத்ரின் தெரெசா நடிக்கிறார். இப்படத்திற்காக ஆர்யா கடுமையான உடற் பயிற்சிகளை மேற்கொண்டு கட்டுமஸ்தான உடம்புடன், மலை கிராமத்து இளைஞனாக வித்தியாசமான கேரக்டரில் நடித்துள்ளார். 'குண்டே' என்ற ஹிந்தி படத்தில் நடித்த தீப்ராஜ் ராணா வில்லனாக நடித்துள்ளார். ஆக்ஷனும் எமோஷனும் கலந்த படமாக உருவாகியுள்ள கடம்பன் படத்தின் டீஸர் சமீபத்தில் வெளியானது. வித்தியாசமாக இருப்பதாக ரசிகர்களிடையே பெரும் வரவேற்பு பெற்றது. தொடர்ந்து தோல்விப்படங்களைக் கொடுத்த ஆர்யாவுக்கு இந்த கடம்பன் படம் வெற்றியடைந்தால் மட்டுமே அவரது வண்டி ஓடும்.

• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்
• 
  மகாதேவ் சூதாட்ட செயலி வழக்கு: நடிகர் சாஹில் கான் கைது
• 
  ரன்வீர் சிங்கை இயக்கும் ஹனுமான் பட இயக்குனர்!
• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு

• 
  ஜல்லிக்கட்டு பின்னணியில் உருவாகும் 'நின்னு விளையாடு'
• 
  பின்னணி இசை இல்லாத படம்
• 
  பிளாஷ்பேக் : திரையில் காமெடி நடிகை, நிஜத்தில் ஹீரோயின்
• 
  ரீ-ரிலீஸில் சாதனை படைத்த 'கில்லி'
• 
  'ராயன்' படத்திற்கு முன்பு 'குபேரா' டீசர்'