கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் | நான்கு மொழிகளில் ரீமேக்காகும் ஹிட் தொடர் | அந்தமானுக்கு ஹனிமூன் சென்ற சுவாசிகா - பிரேம் ஜாக்கப் | ஒரே வருடத்தில் எண்ட் கார்டு போட்ட ஹிட் சீரியல் : ரசிகர்கள் வருத்தம் | அமரன் படத்தின் இறுதிகட்ட படப்பிடிப்பு விறுவிறுப்பு | வீர தீர சூரன் படத்தில் மூன்று தோற்றத்தில் நடிக்கும் விக்ரம் | ஜூனியர் என்டிஆரை இயக்கும் அஜய் ஞானமுத்து? | ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! |
தங்க மீன்கள் படத்திற்கு பிறகு ராம் இயக்கிய படம் தரமணி. புதுமுகம் வசந்த்ரவி, ஆண்ட்ரியா நடித்துள்ளனர். தேனி ஈஸ்வர் ஒளிப்பதிவு செய்துள்ளார், யுவன் சங்கர் ராஜா இசை அமைத்துள்ளார். ஐ.டி துறை பின்னணியில் நடக்கும் யூத்புல்லான காதல் கதை. இன்றைய இளம் தலைமுறையின் காதலை தன் பாணியில் சொல்லவிருக்கிறார் ராம்.
படத்தின் பணிகள் அனைத்தும் முடிந்து பல மாதங்கள் ஆகிவிட்டது. ராமும் மம்முட்டி நடிக்கும் பேரன்பு படத்தை இயக்கத் தொடங்கிவிட்டார். தயாரிப்பாளர் ஜே.சதீஷ்குமார் அவருக்கு இருக்கும் சில நெருக்கடிகள் காரணமாக ரிலீசை தள்ளிப்போட்டு வந்தார். இப்போது படத்தின் ஷெட்யூலை அறிவித்து விட்டார்கள். அதன்படி வருகிற நவம்பர் 20ந் தேதி பாடல்களை வெளியிடுகிறார்கள். டிசம்பர் 23ந் தேதி படத்தை வெளியிடுகிறார்கள். இதுகுறித்த தயாரிப்பாளர் சதீஷ்குமார் கூறியதாவது:
வலுவான கதைக் களங்களை கொண்ட திரைப்படங்கள் மட்டும் தான் தேர்வு செய்து நான் தயாரித்து வருகிறேன். அந்த வகையில் எங்கள் ஜே எஸ் கே நிறுவனத்தின் சிறந்ததொரு படைப்பாக தரமணி திரைப்படம் இருக்கும். வர்த்தக ரீதியாக வெற்றி பெறும் மற்ற பொழுதுபோக்கு திரைப்படங்களை போல தரமணி திரைப்படமும் இருக்கும். மிகுந்த உற்சாகத்துடனும், அசைக்க முடியாத தன் நம்பிக்கையுடன் முதல் முறையாக வர்த்தக களத்தில் இறங்கி இருக்கிறார் இயக்குனர் ராம். புதுமையான விளம்பர யுக்தியை கையாள இருக்கின்றோம். தரமணி திரைப்படத்தின் தெலுங்கு உரிமையும் விற்கப்பட்டு விட்டதால், தமிழிலும், தெலுங்கிலும் ஒரே சமயத்தில் வெளியிட உள்ளோம். என்கிறார் தயாரிப்பாளர் ஜே சதீஷ் குமார்.