ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
தமிழ்த் திரையுலகத்தில் நடிகர் திலகம் சிவாஜி கணேசனுக்குப் பிறகு 'செவாலியே' விருது பெறப் போகும் கமல்ஹாசனுக்கு திரையுலகத்தினர் வாழ்த்துகளைத் தெரிவித்து வருகிறார்கள். ரஜினிகாந்த் உள்ளிட்ட பல நடிகர்களும், நடிகைகளும் கமல்ஹாசனுக்கு வாழ்த்துகளைச் சொல்லிய வண்ணம் உள்ளார்கள். நடிகர் சங்கம் சார்பாக செயலாளர் விஷால், பொருளாளர் கார்த்தி உள்ளிட்ட நடிகர் சங்கத்தினர் கமல்ஹாசனை நேரில் சந்தித்து வாழ்த்துகளைத் தெரிவித்துள்ளார்கள்.
விஷால் அவருடைய தனிப்பட்ட வாழ்த்துச் செய்தியில், “சிறப்புமிக்க செவாலியே விருது பெறும் அன்புள்ள கமல்ஹாசன் சார் அவர்களுக்கு வாழ்த்துகள். நம் அனைவருக்கும் மகிழ்ச்சியான, பெருமையான தருணம் இது,” எனக் கூறியுள்ளார்.
நடிகர் கார்த்தி அவருடைய வாழ்த்துச் செய்தியில், “சிறப்பு மிக்க செவாலியே விருதுக்காக அன்புள்ள கமல்ஹாசன் சாருக்கு வாழ்த்துகள், நாங்கள் அனைவரும் பெருமைப்படுகிறோம்,” எனக் வறியுள்ளார்.
சிவாஜி குடும்பத்து வாரிசான நடிகர் பிரபுவின் மகன் விக்ரம் பிரபு, “செவாலியே விருது மூலம் கௌரவிக்கப்பட உள்ள கமல்ஹாசன் சாருக்கு வாழ்த்துகள். சிறந்த இந்திய நடிகருக்கு சிறந்த கௌரவம்,” எனக் குறிப்பிட்டுள்ளார்.
திரையுலகத்தைச் சேர்ந்த பலரும் கமல்ஹாசனுக்கு வாழ்த்துகளைத் தெரிவித்து வருகின்றனர்.