ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
எதிர்பார்த்த விஷயம்தான் அது. தற்போது அது நடந்தேறி இருக்கிறது. தெலுங்குப்பட இயக்குநர் எஸ்.எஸ். ராஜமௌலி இயக்கிய பாகுபலி படம் வெளியான தினத்திலிருந்து சாதனை மேல் சாதனை படைத்துக் கொண்டிருக்கிறது. தென்னிந்திய சினிமா வரலாற்றில், இதுவரை வெளியான படங்களில் அதிக வசூலை குவித்த படம் என்ற பெருமையை பாகுபலி ஏற்கெனவே பெற்றுவிட்டது. அடுத்து இந்திய அளவில் அதிக வசூலை குவித்த படம் என்ற பெருமையையும் தற்போது எட்டி இருக்கிறது பாகுபலி.
இந்திய அளவில் அதிக வசூலை குவித்த படம் என்ற பெருமையை இதுவரை தக்க வைத்துக் கொண்டிருந்தது அமீர்கான் நடித்த பீகே ஹிந்திப்படம் தான்! இப்பொது அந்த சாதனையை ராஜமௌலியின் பாகுபலி முறியடித்து, பீகேயை பின்னுக்கு தள்ளியுள்ளது. இந்த தகவலை சொன்னது யாரோ அல்ல, பிரபலமான போர்ப்ஸ் (forbes) பத்திரிகை.
போர்ப்ஸ் வெளியிட்டுள்ள ஒரு கட்டுரையில் இந்த புள்ளி விவரத்தை தெரிவித்துள்ளது.
இந்திய அளவில் பாகுபலி இதுவரையில் 500 கோடி ரூபாய்க்கும் அதிகமாக வசூல் செய்துள்ளதாம். பீகே படத்தின் இந்திய அளவிலான அதிகபட்ச வசூல் சுமார் 440 கோடியாம். ஆக, 60 கோடி கூடுதலாக பாகுபலி வசூல் செய்துள்ளது.
740 கோடி ரூபாய் வசூலித்து உலக அளவிலான வசூல் சாதனையில் பீகே படம்தான் இன்னமும் முதல் இடத்தில் இருந்து வருகிறது. 594 கோடி வசூலித்த பஜ்ரங்கி பைஜான் படம் இரண்டாவது இடத்தில் உள்ளது. 566 கோடி வசூல் செய்துள்ள பாகுபலி மூன்றாவது இடத்தில் இருந்து வருகிறது.