ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
சல்மான் கானும், கரீனாகபூரும் நடித்துள்ள பஜ்ரங்கி பைஜான் படம் மிகப்பெரிய பட்ஜெட்டில் தயாரிக்கப்பட்டுள்ளது. இப்படம் வரும் 17 அன்று உலகம் முழுக்க வெளியாகிறது. இப்படத்தின் முதல்நாள் வசூல் நிச்சயமாக ரூ.35 கோடியைத் தாண்டும் என்றும், ஒரு வார வசூல் ரூ.125 கோடியைத் தாண்டும் என்றும் பாலிவுட்டில் ஜோதிடம் சொல்லி வருகின்றனர் பாலிவுட் பண்டிதர்கள். தமிழ்நாட்டிலும் இந்தப்படத்துக்கு மிகப்பெரிய எதிர்பார்ப்பு உள்ளது. எனவே பஜ்ரங்கி பைஜான் படம் தமிழ்நாட்டில் ரூ.2 கோடி முதல் ரூ. 50 கோடி வரை வசூல் செய்ய வாய்ப்பிருப்பதாக சொல்லப்படுகிறது. இந்த சூழலில்தான் பஜ்ரங்கி பைஜான் படத்துக்கு ரெட் போடப்பட்டுள்ளது. காரணம் லிங்கா விவகாரம்தான்.
பஜ்ரங்கி பைஜான் படத்தை சல்மான்கான் உடன் இணைந்து லிங்கா படத்தின் தயாரிப்பாளரான ராக்லைன் வெங்கடேஷ் தயாரித்திருக்கிறார். லிங்காவில் சம்மந்தப்பட்ட ஈராஸ் நிறுவனம்தான் இந்தப் படத்தை வாங்கி வெளியிடுகிறது. பஜ்ரங்கி பைஜான் படத்தில் லிங்கா படத்தில் சம்மந்தப்பட்ட இரண்டு நிறுவனங்கள் இருப்பதால் இதுதான் தக்க தருணம் என்று பஜ்ரங்கி பைஜான் படத்துக்கு தமிழ்நாடு திரையரங்கு உரிமையாளர் சங்கத்தினர் ரெட் போட உள்ளனர். லிங்கா விநியோகஸ்தர்களுக்கு சேர வேண்டிய பணம் இன்னும் வழங்கப்படவில்லை. தவிர எம்.ஜி. என்கிற மினிமம் கேரண்டி அடிப்படையில் படத்தைத் திரையிட்டவர்களுக்கும் இழப்பீடு கொடுக்க வேண்டுமாம். இந்த காரணங்களினால்தான் சல்மான் படத்துக்கு ரெட் போட்டுள்ளனர்.