ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
பிரபல மலையாள நடிகரும், இயக்குனருமான சீனிவாசனின் மகன் என்கிற அடைமொழியுடன் மலையாள சினிமாவில் இயக்குனராக அறிமுகமானவர் வினீத் சீனிவாசன். இன்று வினீத் சீனிவாசனின் தந்தை என அழைக்கப்படும் அளவுக்கு தனது தந்தையை விட மோஸ்ட் வான்ட்டேட் நபராக இருக்கிறார். இவர் இயக்கிய முதல் படமான 'மலர்வாடி ஆர்ட்ஸ் கிளப்' தான், நிவின் பாலி அறிமுகமான முதல் படம். இரண்டாவது படமான 'தட்டத்தின் மறயத்து' படத்திலும் இவர்கள் கூட்டணி தொடர்ந்தது. படமும் ஹிட்.. இரண்டு தேசிய விருதுகள் கூட கிடைத்தன.
கடந்த மார்ச்சில் மலையாளத்தில் வெளியாகி பட்டையை கிளப்பிய 'ஒரு வடக்கன் செல்பி' படத்திற்கு கதையையும் எழுதிகொடுத்து, நிவின் பாலிக்காக கூடவே முக்கியமான கேரக்டரிலும் நடித்தார் வினீத் சீனிவாசன். இந்தப்படம் சென்னையில் ஐம்பது நாட்களை தாண்டி இன்னும் ஓடிக்கொண்டு இருக்கிறது. இதனால் இப்போது பல இளைஞர்கள் தங்களது கதைகளை எழுதி வினீத் சீனிவாசனுக்கு அனுப்பி வருகின்றனர்.
ஆனால் வினீத் சீனிவாசனோ “தயவுசெய்து எனக்கு யாரும் பேஸ்புக், வாட்ஸ் அப், ஈமெயில் மூலமாக உங்களது கதைகளை என்னை கேட்காமல் அனுப்பி வைக்காதீர்கள்.. உங்களது கதைகளை தயவுசெய்து பாதுகாத்துக்கொள்ளுங்கள். நான் என் கதைகளை மக்கள், சமூகம், படிக்கும் புத்தகங்கள், பயணம் மற்றும் எனது சொந்த அனுபவங்களில் நான் பார்க்கும் விஷயங்களில் இருந்துதான் தேர்ந்தெடுக்கிறேன். ஆகவே உங்களது கதைகளை எனக்கு அனுப்ப வேண்டாம். அதை பாதுகாக்கும் முயற்சியில் இறங்குங்கள்” என கூறியுள்ளார்.