ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
தமிழ் சினிமாவில் 80களில் ஒரு பாடலுக்கு நடனமாடும் நடிகைகளை கவர்ச்சிக் கன்னிகள் என்று அந்தக் காலத்தில் அழைப்பார்கள். ஜோதிலட்சுமி, ஜெயமாலினி, சில்க் ஸ்மிதா, அனுராதா, டிஸ்கோ சாந்தி, பபிதா என 80களிலும், 90களின் ஆரம்பத்திலும் ஒரு பாடலுக்கு மட்டுமே நடனம் ஆடும் நடிகைகள் நிறைய பேர் இருந்தனர். கிளாமரான நடனங்களை படத்தின் ஹீரோயின்கள் ஆட மாட்டார்கள். அதற்குப் பதிலாக கதையில் சிறிய மாற்றம் செய்து, ஒரு பாரிலோ, ஹோட்டலிலோ, வில்லன் இருப்பிடங்களிலோ ஏதோ ஒரு விதத்தில் கவர்ச்சி நடனங்களை இடம் பெறச் செய்வார்கள். ஒரு சில படங்கள் அதற்காகவே கூட ஓடியிருக்கின்றன.
90களின் இறுதியில் அந்த ஒரு பாடல் நடனங்களையும் படத்தில் நடிக்கும் நாயகியர்களே செய்யப் போக அதன் பின் அப்படிப்பட்ட கிளாமர் நடனங்களுக்கும், அந்தப் பாடல்களுக்கு மட்டுமே நடனம் ஆடும் நடிகைகளுக்கும் வரவேற்பு இல்லாமல் போய்விட்டது. இருந்தாலும் எப்போதாவது ஒரு முறை அப்படிப்பட்ட நடனங்களும் தற்போது இடம் பெற்று வருகின்றன.
சமீபத்தில் 'பத்து எண்ணுறதுக்குள்ளே' படத்தில் விக்ரம் உடன் நடனமாட தெலுங்கின் முன்னணி நடிகையாக இருந்த சார்மியை அழைத்து வந்தார்கள். அவரும் விக்ரம் என்பதால் மட்டுமே அப்படி ஒரு பாடலுக்கு மட்டும் நடிக்க சம்மதித்து ஆடிக் கொடுத்தாராம். அந்த ஒரு பாடலில் நடனமாடியதற்கு மட்டும் சார்மிக்கு சம்பளமாக 25 லட்ச ரூபாய் கொடுத்திருக்கிறார்கள் என கோலிவுட்டில் பேசிக் கொள்கிறார்கள்.