ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
'டெலிடட்' என்றால் தமிழில் 'நீக்கப்பட்ட' என்று அர்த்தம். 'லிங்கா' படத்தில் நீக்கப்பட்ட காட்சிகள் விரைவில்...என்றவுடன் குழம்ப வேண்டாம். அவை யு டியூபில் வெளியிடப்பட உள்ளதாம். இந்தத் தகவலை படத்தின் இயக்குனரான கே.எஸ்.ரவிக்குமார் நேற்றைய பத்திரிகையாளர் சந்திப்பில் சொல்லியிருக்கிறார். நேற்று பல பத்திரிகையாளர்களையும், டிவி சேனல்களையும் சந்தித்து கே.எஸ்.ரவிக்குமார் பேட்டி கொடுத்தார். பொதுவாக, பட வெளியீட்டுக்குப் பின் பத்திரிகையாளர்களை சந்திக்கும் இயக்குனர்கள் மிகவும் குறைவு. 'லிங்கா' படத்திற்கு பல்வேறு விதமான விமர்சனங்கள் எழுந்து வரும் நிலையிலும் கே.எஸ்.ரவிக்குமார் அனைத்து விதமான கேள்விகளுக்கும் வெளிப்படையான பதிலளித்தார்.
அப்போது, ராஜா லிங்கேசுவரன் கதாபாத்திரத்தில் ரஜினி நடித்த காட்சிகளுக்குத்தான் அதிக வரவேற்பு இருக்கிறது, அதையே நீங்கள் முழுப் படமாக எடுத்திருக்கலாமே என்று கேட்டார்கள். அதற்குப் பதிலளித்த ரவிக்குமார், அந்தக் காட்சிகளே ஏறக்குறைய ஒரு முழு படம் அளவிற்கு கை வசம் இருக்கிறது. ஆனால், படம் வெளியாகும் முன்பே படத்தின் நீளம் கருதி அவற்றை படத்தில் சேர்க்காமல் விட்டு விட்டோம்.
“ரஜினி ரசிகர்களையும் திருப்திப்படுத்த வேண்டும் என்பதற்காகத்தான் 'லிங்கா' என்ற கதாபாத்திரம் மூலம் ஸ்டைலான ஜாலியான மற்றொரு ரஜினியையும், அவருடன் சந்தானம் போன்ற நண்பர்களையும் சேர்த்து ஜாலியான காட்சிகளை உருவாக்கினோம்.
ராஜா லிங்கேசுவரன் கதாபாத்திரத்தில் ரஜினி நடித்து படத்தில் சேர்க்க முடியாத சில 'டெலிடட்' காட்சிகளை யு டியூபில் வெளியிடலாம் என்ற எண்ணம் உள்ளது. அதை விரைவில் எதிர்பார்க்கலாம்,” என்றார்.
ஆனால், படம் வெற்றிகரமாக ஓடிக் கொண்டிருக்கும் போது அந்தக் காட்சிகளை இப்போது வெளியிடுவார்களா என்பது சந்தேகம்தான். அதற்கு இன்னும் சில வாரங்களாவது ஆகலாம். அதுவரை ரஜினி ரசிகர்கள் காத்திருக்க வேண்டும். இதற்கு முன் 'ஜிகர்தண்டா, கத்தி' படத்தின் 'டெலிடட்' காட்சிகள் சில, யு டியுபில் அதிகாரப்பூர்வமாக வெளியிடப்பட்டு நல்ல வரவேற்பைப் பெற்றது என்பது குறிப்பிடத்தக்கது.