ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
பெரிய நட்சத்திரங்கள், இயக்குனர்களின் படங்களுக்குத்தான் முதல் பார்வை வெளியீடு என்பதெல்லாம் இருக்குமா, எங்களுக்கெல்லாம் கிடையாதா என தற்போது பலரும் முதன் முதல் என பல விஷயங்களை வெளியிட ஆரம்பித்து விட்டார்கள். 'எதிர் நீச்சல்' படத்திற்குப் பிறகு துரை. செந்தில் குமார் - சிவகார்த்திகேயன் - அனிருத் கூட்டணி மீண்டும் இணைந்துள்ள படம் 'காக்கிச் சட்டை'. இந்தப் படத்தின் ஒரு புகைப்படத்தைக் கூட இதுவரை தப்பித் தவறி அவர்கள் வெளியிடவில்லை. இணையங்களில் மட்டும் சில படங்கள் லீக் ஆனது. இப்படி ஒரு படம் எப்போது ஆரம்பிக்கப்பட்டு, நடைபெற்று முடிந்தது என்பதே தெரியாள அளவிற்கு படப்பிடிப்பை நடத்தி முடித்து விட்டார்கள்.
சிவகார்த்திகேயன் முதன் முறையாக போலீஸ் கெட்-அப்பில் நடித்திருக்கும் இந்தப் படத்தில் அவருக்கு ஜோடியாக ஸ்ரீதிவ்யா நடித்துள்ளார். இந்தப் படத்தின் முதல் பார்வை, மோஷன் போஸ்டர், தீம் மியூசிக் ஆகியவற்றை நாளை வெளியிட உள்ளார்களாம். இது பற்றி படத்தின் இசையமைப்பாளர் அனிருத்தே தெரிவித்துள்ளார். தனுஷ் தயாரித்துள்ள இந்தப் படத்தை அடுத்த ஆண்டு துவக்கத்தில் வெளியிட உள்ளார்கள். படத்தில் சிவகார்த்திகேயன், சிரிப்பு போலீஸா அல்லது சீரியஸ் போலீஸா என்பது கூட இனிமேல்தான் தெரிய வரும். படத்தைப் பற்றிய பல விஷயங்களை ஏன் இவ்வளவு ரகசியமாக வைத்திருக்கிறார்கள் என்றுதான் தெரியவில்லை.