மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! | மே 1ம் தேதி ரீ ரிலீஸாகும் தீனா படம்! | கவின், ஆண்ட்ரியா படத்திற்கு இசையமைக்கும் ஜி.வி. பிரகாஷ்! | ஹாலிவுட்டில் ரீ ரிலீசாகிறது 'இன்டர்ஸ்டெல்லர்' | பெண்களை அடிமைப்படுத்தும் 'பரதா': சர்ச்சையுடன் உருவாகும் புதிய படம் | இணையத்தில் கசிந்த 'ராமாயணம்' படப்பிடிப்பு காட்சிகள்: படக்குழு அதிர்ச்சி |
இசையமைப்பாளர் யுவன் ஷங்கர் ராஜா 3வது திருமணம் செய்ய இருக்கிறார், அவருக்கு கீழக்கரையை சேர்ந்த முஸ்லிம் பெண்ணுடன் திருமணம் நிச்சயமாகியுள்ளது. அரவிந்தன் படத்தின் மூலம் இசையமைப்பாளராக அறிமுகமானவர் யுவன் ஷங்கர் ராஜா. இசைஞானி இளையராஜாவின் வாரிசான இவர், தொடர்ந்து படிப்படியாக முன்னேறி முன்னணி இசையமைப்பாளராக உயர்ந்தார். சமீபத்தில் தனது 100வது படமான பிரியாணி படத்திற்கு இசையமைத்தார்.
யுவனுக்கு கடந்த 2005-ம் ஆண்டு லண்டனை சேர்ந்த பாடகி சுஜாயாவை காதலித்து மணந்து கொண்டார். ஆனால் இவர்களது திருமணம் மூன்று ஆண்டுகள் தான் நீடித்தது, 2008-ல் விவாகரத்து பெற்று இருவரும் பிரிந்தனர். இதனையடுத்து 2011ம் ஆண்டு ஷில்பா என்பவரை திருமணம் செய்து கொண்டார். அந்த திருமணமும் நீடிக்கவில்லை. இருவரும் பிரிந்து வாழ்ந்து வருகின்றனர்.
மதமாற்றம்
ஏற்கனவே இல்லற வாழ்வு சரியாக அமையாத சோகத்தில் இருந்த யுவனுக்கு, அவரின் அம்மாவின் மறைவும் பெரும் சோகத்தையும், அதிர்ச்சியையும் உண்டாக்கியது. இந்நிலையில், யுவன் ஷங்கர் ராஜா திடீரென முஸ்லிம் மதத்திற்கு மாறினார். தான் முஸ்லிம் மதத்தை பின்பற்றுவதாக அவரே தெரிவித்தார், மேலும் தனது பெயரை கூட அவர் மாற்றிவிட்டதாக கூறப்படுகிறது.
3வது திருமணம்
இதனிடையே யுவன் ஷங்கர் ராஜா, மலேசியாவை சேர்ந்த முஸ்லிம் பெண் ஒருவரை காதலித்து வருவதாக ஏற்கனவே செய்திகள் வெளியான நிலையில், இப்போது அவருக்கு திருமணம் நிச்சயமாகியுள்ளது. ராமநாதபுரம் மாவட்டம், கீழக்கரை, மேலத்தெருவை சேர்ந்த ஜப்ருன்னிஸாவைத்தான், யுவன், 3வது திருமணம் செய்ய இருக்கிறார். இவர்களது திருமண நிச்சயதார்த்தம் சில தினங்களுக்கு முன்னர் நடந்துள்ளது. திருமணம் நவம்பர் அல்லது டிசம்பர் மாதம் நடக்கும் என தெரிகிறது.
இதுப்பற்றி யுவனின் சகோதரர் கார்த்திக் ராஜா கூறுகையில், எனது அம்மாவின் திதிக்காக நானும், அப்பாவும் மதுரை சென்றிருந்தோம். யுவன் சற்று தாமதமாகத்தான் வந்தார். அவரது முகத்தில் அவ்வளவு ஒரு சந்தோஷம், என்ன என்று விசாரித்த போது, அவரது திருமணம் நிச்சயம் பற்றிய செய்தி பேஸ்புக்கில் வெளியானது. விரைவில் இந்த திருமண செய்தியை அவரே முறைப்படி அறிவிப்பார் என்று கூறினார்.