Dinamalar

அவதார் படத்தை மிஞ்சும் ஐ ரிலீஸ்...! ?

செய்தியைப் படித்து விட்டு, இது உண்மையா அல்லது பொய்யா என்று கேள்வியெல்லாம் எழுப்பக் கூடாது. கடந்த சில நாட்களாக சமூக வலைத்தளங்களில் பரபரப்பாக பகிரப்படும் செய்தியாக இது இருந்து வருகிறது. இரண்டு வாரங்களுக்கு முன் ஐ படம் 20000 திரையரங்குகளில் ரிலீஸ் ஆகும் என்று வந்த செய்தியை யாரெல்லாம் நம்பினீர்களோ அவர்கள் இதையும் நம்புங்கள். ஹாலிவுட் படங்களிலேயே நமது மக்களை சமீப வருடங்களில் அதிகம் ஈர்த்த படம் என்று சொன்னால் ஜேம்ஸ் கேமரூன் இயக்கத்தில் வெளிவந்த அவதார் படத்தைச் சொல்லலாம். அதன் பிரம்மாண்டமும், கதையும் நமக்கு மிகவும் நெருக்கமாக அமைந்து அந்தப் படத்தை இந்தியாவிலும் ஓட வைத்தது, உலகம் முழுவதும் அந்தப் படம் சாதனை புரிந்தது.

இப்போது அவதார் படத்தையே மிஞ்சும் அளவிற்கு ஐ படம் அமையும் என்றும் பேசி வருகிறார்கள். ஒரு சிலர் அவதார் படம் உலகம் முழுவதும் வெளியான திரையரங்குகளை விட ஐ படத்தை அதிக திரையரங்குகளில் வெளியிட இருக்கிறார்கள் என்றும் செய்தியைப் பரப்பி வருகிறார்கள். அவர்கள் சொல்லும் கணக்குப்படி ஐ திரைப்படம் சீனாவில் 10,000 திரையரங்குகளிலும், இந்தியாவில் சுமார் 3,500 திரையரங்குகளிலும் வெளியாக உள்ளதாம். இதில் உலகத்தில் உள்ள மற்ற மொழிகளை அவர்கள் சேர்க்கவில்லை. ஆக, அவர்கள் சொன்ன கணக்குப்படியே சுமார் 15000 திரையரங்குகள் வரை வெளியாக உள்ளதாம். ஆனால், அவதார் படம் உலகம் முழுவதும் சுமார் 14500 திரையரங்குகளில் மட்டுமே வெளியானதாம்.

அவர்கள் சொல்லும் கணக்குப்படி அவதார் படத்தை மிஞ்சி ஐ படம் சாதனை புரியும் அளவிற்கு திரையரங்குகளில் வெளியானால் தமிழ்த் திரையுலகத்திற்குக் கொண்டாட்டம்தான். அப்படிப்பட்ட சாதனையை இந்தியத் திரையுலகில் ஒரு தமிழ்ப் படம் புரிவதற்கு நாம் காலரை தூக்கி விட்டுக் கொள்ளலாம். சீக்கிரமே கனவைக் கலைச்சிட்டு சரியான கணக்கைச் சொல்லுங்கப்பா....

• 
  துருவா சார்ஜா வீட்டு விழாவில் குடும்பத்துடன் பங்கேற்ற சஞ்சய் தத்
• 
  மகளுடன் இணைந்து நடிக்கும் ஷாரூக்கான்
• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்
• 
  மகாதேவ் சூதாட்ட செயலி வழக்கு: நடிகர் சாஹில் கான் கைது

• 
  அஜித் படத்தில் இணையும் இளம் நடிகை
• 
  மே 17ல் ரிலீஸ் ஆகும் எலெக்சன் படம்
• 
  குஷ்புவுக்கு குழந்தை பிறக்காது என சொன்னார்கள் : மனம் திறந்த சுந்தர்.சி
• 
  கூலி டீசர் குறித்து விமர்சிக்கவில்லை : வெங்கட் பிரபு விளக்கம்
• 
  நடிப்பு குறித்து கிண்டலடித்த ரசிகைக்கு காட்டமாக பதில் அளித்த மாளவிகா ...