Dinamalar

பொறுப்புணர்வு இல்லாமல் கேட்பது மன்னிப்பு அல்ல: கவுரி கிஷன்

அபின் ஹரிஹரன் இயக்கத்தில் ஆதித்ய மாதவன், கவுரி கிஷன் நடிப்பில் 'அதர்ஸ்' படம் கடந்த வாரம் வெளியானது. முன்னதாக நடைபெற்ற பத்திரிகையாளர்கள் சந்திப்பில் இருவர் கவுரியின் எடையை வைத்து கேள்வி எழுப்பினர். இதற்கு கவுரி, ‛‛உடல் எடை தொடர்பாக எழுப்பப்பட்ட கேள்வி என்னை உருவக் கேலியை செய்ததற்கு சமம். எடை பத்தி கேக்குறீங்க, அடுத்து என்னென்ன கேட்பீங்க. இது முட்டாள்தனமானது'' என நேரலையில் கோபமாக அந்த நபர்களுக்கு பதிலளித்தார்.

வருத்தம்

இதுபோன்ற கேள்விகளுக்கு நடிகர் சங்கம் கண்டனம் தெரிவித்துள்ளது. குஷ்பு, சின்மயி உள்ளிட்டோர் கவுரிக்கு ஆதரவு தந்துள்ளனர். இதனையடுத்து, கவுரி கிஷனிடம் வாக்குவாதத்தில் ஈடுபட்ட யுடியூபர் வருத்தம் தெரிவித்திருந்தார். ‛‛நான் அந்த பெண்ணை உருவ கேலி செய்யவில்லை. அது தவறாக புரிந்து கொள்ளப்பட்டது. இந்த நிகழ்வால் அவருக்கு மன வருத்தம் ஏற்பட்டிருந்தால் அதற்காக நான் வருத்தம் தெரிவித்துக் கொள்கிறேன்'' என்றார்.

ஏற்க மாட்டேன்

இதற்கு பதிலளித்து தனது எக்ஸ் தளத்தில் பதிவிட்டுள்ள நடிகை கவுரி கிஷன், ''பொறுப்புணர்வு இல்லாமல் கேட்பது மன்னிப்பு அல்ல. கேள்வியைத் தவறாகப் புரிந்து கொண்டார், அது ஒரு வேடிக்கையான கேள்வி, யாரையும் உடல் ரீதியாக அவமானப்படுத்தவில்லை என மீண்டும் கூறுகிறார். வருத்தத்தையோ அல்லது வெற்று வார்த்தைகளையோ ஏற்றுக்கொள்ள மாட்டேன்'' என குறிப்பிட்டுள்ளார்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி