Dinamalar

சிரஞ்சீவியிடம் பகிரங்கமாக மன்னிப்பு கேட்ட ராம்கோபால் வர்மா

இந்தியத் திரையுலகத்தின் முக்கியமான இயக்குனர்களில் குறிப்பாக தெலுங்கு இயக்குனர்களில் முக்கியமானவர் ராம் கோபால் வர்மா. அவரது இயக்கத்தில் 1989ம் ஆண்டு வெளிவந்த 'சிவா' திரைப்படம் 4கே டிஜிட்டல் தரத்தில் வரும் நவம்பர் 14ம் தேதி தெலுங்கில் வெளியாக உள்ளது. அப்படம் குறித்து தெலுங்குத் திரையுலகத்தின் இயக்குனர்கள், நடிகர்கள் அவர்களது அனுபவத்தைப் பகிர்ந்து படத்தின் ரீரிலீஸுக்கு உதவி வருகிறார்கள்.

தெலுங்குத் திரையுலகத்தின் சீனியர் நடிகரான சிரஞ்சீவி அப்படம் குறித்து 2 நிமிட வீடியோ ஒன்றைப் பேசியுள்ளார். அதில் “சிவா' படம் தெலுங்கு சினிமாவின் டிரென்ட் சென்டர் படம் என்றும், படம் வெளியான போதே, தெலுங்குத் திரையுலகத்தை எதிர்காலத்தில் ராம் கோபால் வர்மா ஆளுமை செய்வார் என்று நினைத்தேன்,” என்றும் பாராட்டிப் பேசியுள்ளார்.

இதற்கு முன்பு பல்வேறு சந்தர்ப்பங்களில் சிரஞ்சீவி மற்றும் அவரது தம்பி பவன் கல்யாண் உள்ளிட்டோரை கிண்டலடித்து, விமர்சனம் செய்து பல்வேறு பதிவுகளை சமூக வலைத்தளங்களில் பதிவிட்டவர் ராம்கோபால் வர்மா. அவையெல்லாம் அப்போது பெரும் சர்ச்சையை ஏற்படுத்தியது.

இந்நிலையில் 'சிவா' படத்தின் ரீரிலீஸுக்காக சிரஞ்சீவி பேசிய வீடியோவை ஷேர் செய்துள்ள ராம்கோபால் வர்மா அவரிடம் பகிரங்கமாக மன்னிப்பும் கேட்டுள்ளார்.

“நன்றி சிரஞ்சீவி காரு, இந்த சந்தர்ப்பத்தில், நான் எப்போதாவது தெரியாமல் உங்களை புண்படுத்தியிருந்தால், அதற்கு உண்மையாக மன்னிப்பு கேட்டுக்கொள்கிறேன்.. உங்கள் பெரிய மனதுக்கு மீண்டும் ஒரு முறை நன்றி,” என்று குறிப்பிட்டுள்ளார்.

• செய்திகள்
• ஆல்பம்
• வந்த படங்கள்

• 
  ஒருவர் பின் ஒருவராக போகிறார்கள் ; நண்பர் மறைவால் அமிதாப் பச்சன் வேதனை
• 
  பாலிவுட் நடிகை கேரளாவில் திடீர் திருமணம்
• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்

• 
  ‛ஜெயிலர் 2' படப்பிடிப்பில் யோகி பாபுவிடம் அடிக்கடி சந்தேகத்தை நிவர்த்தி ...
• 
  ‛ஆடு 3' படத்தில் ஐட்டம் டான்ஸ் ஆடி இருக்கிறாரா நிகிலா விமல் ? ; இயக்குனர் ...
• 
  ஷோரூம் திறப்பு விழாவில் அரசியல் பஞ்ச் டயலாக் பேசிய ரவி மோகன்!
• 
  தனது 100வது படத்தில் முதல் பட நாயகனான மோகன்லாலை நடிக்க வைக்கும் ...
• 
  அஜித்துக்கு 30 லட்சம் மதிப்பிலான காரை பரிசளித்த மஹிந்திரா நிறுவனம்!