Dinamalar

ஹீரோவான யு டியூபர்

மாவீரன், 3பிஎச்கே படங்களை தயாரித்த சாந்தி டாக்கீஸ் தற்போது போடி ராஜ்குமார் இயக்கத்தில் விக்ரம் நடிக்கும் படத்தை தயாரித்து வருகிறது. இதற்கிடையில் தங்களது 4வது தயாரிப்பை அறிவித்துள்ளது.

அறிமுக இயக்குநர் ஹரிஹரசுதன் இயக்கத்தில் பைனலி பாரத் இதில் கதை நாயகனாக நடிக்கிறார். யு டியூப் பிரபலமான இவர், லவ் டுடே, பிரின்ஸ், பரோல் உள்ளிட்ட சில படங்களில் சிறிய கேரக்டர்களில் நடித்தர். இவரது ஜோடியாக 'குடும்பஸ்தான்' நாயகி ஷான்வி மேக்னா நடிக்கிறார்.

படம் குறித்து தயாரிப்பாளர் அருண் விஸ்வா கூறும்போது, “புதிய திறமையாளர்களையும் நல்ல கதைகளையும் ஊக்குவிப்பதை நாங்கள் நோக்கமாகக் கொண்டிருக்கிறோம். அந்த வகையில், பைனலி பாரத் டீன் ஏஜ் மற்றும் குடும்ப பார்வையாளர்கள் மத்தியில் வெகு பரிச்சியமான நபர். இந்தப் படத்திற்காக அவருடன் இணைந்து பணியாற்றுவது மகிழ்ச்சி.

அதுபோலவே, 'குடும்பஸ்தன்' படம் மூலம் ரசிகர்களின் அன்பைப் பெற்ற நடிகை ஷான்வி மேக்னாவும் இந்தப் படத்தில் நடிக்கிறார். இளம் திறமையாளர்களை ஊக்குவிப்பது எங்களுக்கு மகிழ்ச்சி தரக்கூடிய விஷயம்.

'புரொடக்ஷன் நம்பர் 4' படம் மூலம் ஹரிஹரசுதனை இயக்குநராக அறிமுகப்படுத்துவதில் பெருமையடைகிறோம். பால சரவணன் இந்தப் படத்தில் முக்கிய கதாபாத்திரத்தில் நடிக்கிறார். மற்ற நடிகர்கள் மற்றும் தொழில்நுட்பக்குழு குறித்தான தகவல்களை விரைவில் வெளியிடுவோம்” என்றார்.

• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி
• 
  துரந்தர் 2 படத்தின் முதல் விமர்சனத்தை வெளியிட்ட யாமி கவுதம்
• 
  தென்னிந்திய இயக்குனரை தேடும் ஹிருத்திக் ரோஷன்
• 
  'கேரளா ஸ்டோரி 2' படத்திற்கு விதிக்கப்பட்ட தடை நீக்கம்
• 
  மறு உத்தரவு வரும் வரை கேரளா ஸ்டோரி 2 ரிலீஸை நிறுத்திவைத்த கேரள ...

• 
  ரஜினி, கமல் படத்தில் இந்த இளம் நடிகையா?
• 
  'தனுஷ் 56' படப்பிடிப்பு செப்டம்பரில் துவங்குகிறது!
• 
  ஒரே நாளில் வெளியாகும் இரண்டு நீளமான படங்கள்!
• 
  பிப்ரவரி 2026 : வெளியான 22 படங்களில் எத்தனை வெற்றி?
• 
  திரைப்பயணத்தில் 2ம் அத்தியாயம் தொடக்கம்: தனுஷ் பேச்சு