Dinamalar

'துள்ளுவதோ இளமை' புகழ் அபிநய் காலமானார்

'துள்ளுவதோ இளமை' புகழ் அபிநய், 44, உடல்நலக் குறைவால் சென்னையில் இன்று(நவ., 10) காலை 4 மணியளவில் காலமானார்.

2002ம் ஆண்டு வெளிவந்த படம் 'துள்ளுவதோ இளமை'. தனுஷ் அறிமுகமான இந்த படத்தில் அவருடன் இணைந்து அறிமுகமானவர் அபிநய். தனுசின் நண்பராக நடித்தார். அதன்பிறகு ஜங்ஷன், சிங்கார சென்னை, பொன் மேகலை ஆகிய படங்களில் ஹீரோவாக நடித்தார். சக்சஸ், தாஸ், தொடக்கம், சொல்ல சொல்ல இனிக்கும், 'பாலைவனச் சோலை 2, ஆறுமுகம், கார்த்திக் அனிதா, கதை, 'ஆரோகணம்', என்றென்றும் புன்னகை, வல்லவனுக்கு புல்லும் ஆயுதம் போன்ற படங்களில் குணச்சித்திர வேடங்களில் நடித்தார்.

44 வயதான அபிநய்க்கு கல்லீரல் தொற்று பிரச்னை ஏற்பட்டு தனியார் மருத்துவமனையில் கடந்த சில மாதங்களாக சிகிச்சை பெற்றார். அவர் உயிரை காப்பாற்ற 28 லட்சம் ரூபாய் தேவைப்படுதாகவும், நிதி உதவி செய்யுமாறும் நண்பர்கள் சமூக வலைத்தளங்கள் மூலம் அப்போது வேண்டுகோள் விடுத்தனர். கேபிஒய் பாலா உள்ளிட்ட சிலர் உதவி செய்தனர். சமீபத்தில் அவர் ஓரிரு சினிமா நிகழ்ச்சிகளில் கூட பங்கேற்று நம்பிக்கையுடன் பேசினார்.

இந்நிலையில் இன்று காலை 4 மணியளவில் அவரது உயிர் பிரிந்தது. அபிநயக்கு உறவினர்கள் என்று பெரிதாக யாரும் இல்லை. ஓரிரு நண்பர்கள் மூலமே அவர் உதவி பெற்று வந்தார். அவர் உடலை இறுதிச் சடங்கு செய்வதற்கு கூட யாரும் இல்லாமல் இருந்தது..

சினிமா பல பிரபலங்களை உச்சத்திற்கு கொண்டு சென்ற அதேவேளையில் இவரைப்போன்று ஓரிரு பிரபலங்கள் ஆள் ஆரவமற்று இறந்து போன சம்பவங்களும் அவ்வப்போது நிகழத்தான் செய்கிறது. குடி போன்ற தீய பழக்கங்களால் இவர் இந்த நிலைமைக்கு ஆளாகி உள்ளார்.

உறவினர்களை தொடர்பு கொள்ள முடியவில்லை என்றும், யாராவது வந்தால் அவர்களிடம் உடல் ஒப்படைக்கப்படும். இல்லை என்றால் நடிகர் சங்கம் சார்பில் அபிநய் உடலை நல்லடக்கம் செய்ய ஏற்பாடு செய்யப்படும் என்று நண்பர்கள் தெரிவித்தனர்..
இறுதியில் நடிகர் சங்கம் மற்றும் கேபிஒய் பாலா ஆகியோர் முன்னின்று இறுதிச்சடங்கிற்கான ஏற்பாடுகளை கவனித்தனர். கடைசியாக அபிநய் குடும்பத்தில் உறவினர் ஒருவர் வந்து அவருக்கு இறுதிச்சடங்கு செய்தார்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி