Dinamalar

இப்ப, தமிழ் சினிமாவில் டாப் 5 ஹீரோயின் யார் தெரியுமா?

தமிழ் சினிமாவில் இப்போதைய டாப் 5 ஹீரோயின் அல்லது ரசிகர்கள், சினிமாகாரர்களால் அதிகமாக விருப்பப்படுகிற ஹீரோயின்கள் யார் என்று விசாரித்தால், ருக்மணி வசந்த், கல்யாணி பிரியதர்ஷன், மமிதா பைஜூ, பூஜா ஹெக்டே, ஸ்ரீலீலா என்கிறார்கள்.

தமிழில் ருக்மணி வசந்த் அறிமுகமான படம் ஏஸ். விஜய்சேதுபதி ஹீரோவாக நடித்த அந்த படம் ஓடவில்லை. அடுத்து ஏ.ஆர்.முருகதாஸ் இயக்கத்தில் சிவகார்த்திகேயன் ஜோடியாக மதராஸி படத்தில் நடித்தார். அந்த படமும் அவருக்கு ஸ்டார் அந்தஸ்தை ஏற்படுத்தி கொடுக்கவில்லை. ஆனால், காந்தாரா சாப்டர்1 படத்தில அவர் நடித்த இளவரசி கேரக்டர் தமிழில் மட்டுமல்ல, இந்தியளவில் அவருக்கு தனி இடத்தை உருவாக்கி உள்ளது. 800கோடி வசூலை நெருங்கும் அந்த பட வெற்றியால், தென்னிந்தியாவில் முன்னணி படங்களில் நடிக்க, அவருக்கு வாய்ப்பு வந்து கொண்டு இருக்கிறதாம். இப்போதைக்கு ஜூனியர் என்டிஆர் ஜோடியாக ஒரு படத்தில் நடிக்கிறார். தமிழில் மணிரத்னம் இயக்கத்தில் துருவ் விக்ரம் ஜோடியாக நடிக்கப்போவதாக தகவல்.

மலையாள படமான லோகா படத்தின் வெற்றியின் காரணமாக கல்யாணி பிரியதர்ஷனுக்கும், தமிழில் நிறைய வாய்ப்புகள் வருகிறதாம். இப்போது கார்த்தி ஜோடியாக அவர், ‛வா வாத்தியார்' படத்தில் நடித்து வருகிறார்.

டியூட் படத்தின் வெற்றி மமிதாவுக்கு தனி மார்க்கெட்டை உருவாக்கி உள்ளது. விஜயுடன் ஜனநாயகன், சூர்யாவுடன் கருப்பு, விஷ்ணு விஷாலுடன் இரண்டு வானம் படங்களில் நடித்து வரும் மமிதாவின் மார்க்கெட் மட்டுமல்ல, சம்பளமும் கணிசமாக உயர்ந்துள்ளது.

இவர்களுக்கு அடுத்த இடங்களில் பூஜா ஹெக்டே, ஸ்ரீலீலா ஆகியோர் இருக்கிறார்கள். கூலியில் மோனிகா பாடல், ரெட்ரோவில் கன்னிம்மா பாடல் வெற்றியால் பூஜாவுக்கு கமர்ஷியல் மார்க்கெட்டில் தனி இடம் இருக்கிறதாம்.

தெலுங்கில் முன்னணி ஹீரோயின்களில் ஒருவரான ஸ்ரீலீலா, சிவகார்த்திகேயனின் பராசக்தி மூலமாக தமிழுக்கு வருகிறார்.

• செய்திகள்
• ஆல்பம்

• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?
• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி

• 
  சூர்யாவின் ‛கருப்பு' ரிலீஸ் எப்போது?
• 
  பராசக்தி படப்பிடிப்பு முடிவடைந்தது
• 
  நவம்பர் 21-ல் ரீரிலீஸ் ஆகும் ப்ரண்ட்ஸ்
• 
  'மகுடம்' இயக்குனர் நீக்கம் : விஷால் செய்தது நியாயமா ?
• 
  லாபத்தில் முதலில் நுழைந்த 'பைசன்'