சூர்யவம்சம் 2ம் பாகம் உருவாகிறது? | தமிழில் அறிமுகமாகும் ராப் பாடகர் வேடன் | உடலை வருத்தும் சிம்பு | தனுஷ் பிறந்தநாளில் புதுப்பொலிவுடன் ரீ-ரிலீஸ் ஆகும் ‛புதுப்பேட்டை' | ஸ்டன்ட் காட்சியில் ஒருவர் உயிரிழப்பு : இயக்குனர் பா.ரஞ்சித் மீது வழக்கு பதிவு | ரஜினி ரசிகர்களுக்கு நேற்று முக்கியமான நாள் : அப்படி என்ன சிறப்பு தெரியுமா? | மகன் மீதான தாக்குதல் : மறைமுகமாக பதிலடி கொடுத்த விஜய்சேதுதி | அடுத்தடுத்து 3 படங்கள்... சம்பளம் 100 கோடி : சிவகார்த்திகேயன் மார்க்கெட் விரிவடைகிறது | ஜுலை 18ல் இத்தனை படங்கள் வெளியீடா….??? | மலேசியாவில் இருந்து சென்னை திரும்பினார் பாரதிராஜா : பாராட்டு விழா எப்போது? |
இயக்குனர் கவுதம் மேனன் தனது தந்தையின் பூர்வீகமாக கேரளாவை கொண்டிருந்தாலும், கடந்த 20 வருடங்களுக்கு மேலாக தொடர்ந்து தமிழ் படங்களை மட்டுமே இயக்கி வந்தார். இந்த நிலையில் முதன்முதலாக மலையாளத்தில் நடிகர் மம்முட்டியை வைத்து டொமினிக் அண்ட் தி லேடீஸ் பர்ஸ் என்கிற படத்தை இயக்கினார். கடந்த ஜனவரி மாதம் இந்த படம் வெளியானது. ஒரு தனியார் டிடெக்டிவ் அதிகாரியான மம்முட்டி, தன்னிடம் கிடைக்கும் ஒரு லேடீஸ் பர்ஸை உரியவரிடம் ஒப்படைக்க செல்லும்போது ஏற்படும் எதிர்பாராத திடுக்கிடும் சம்பவங்களை மையப்படுத்தி இந்த படம் உருவாகி இருந்தது. படம் வெள்ளியாகி மிகப்பெரிய வசூலை தராவிட்டாலும் ஓரளவு வரவேற்பு பெற்றது.
இந்த நிலையில் கடந்த மூன்று மாதங்களுக்கு முன்பே இந்த படத்தின் ஓடிடி உரிமையை அமேசான் பிரைம் நிறுவனம் கைப்பற்றியதாக அறிவிப்பு வெளியானது. ஆனாலும் இப்போது வரை இந்த படம் இன்னும் ஓடிடியில் வெளியாகவில்லை. இந்த நிலையில் இன்னும் ஓடிடிக்கான விலை முடிவாகவில்லை என்றும் அதில் இழுபறி நிலவுவதால் தான் இந்த தாமதம் என்றும் தற்போது தகவல் வெளியாகி உள்ளது. விரைவில் இறுதித்தொகை பேசி முடிக்கப்பட்டு படத்தின் ஓடிடி ரிலீஸ் தேதி குறித்த அறிவிப்பு வெளியாகலாம் என்றும் சொல்லப்படுகிறது.