மம்முட்டியின் களம்காவல் ரிலீஸ் தேதி அறிவிப்பு

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

24 அக், 2025 - 02:45 IST

எழுத்தின் அளவு:

மம்முட்டி நடிப்பில் இந்த வருடம் பஷூக்கா மற்றும் கவுதம் மேனன் இயக்கத்தில் நடித்த டொமினிக் அண்ட் தி லேடீஸ் பர்ஸ் ஆகிய படங்கள் வெளியாகின. தற்போது மோகன்லாலுடன் இணைந்து பேட்ரியாட் என்கிற படத்தில் நடித்து வருகிறார் மம்முட்டி. சில மாதங்களாகவே உடல் நலக்குறைவு காரணமாக எந்த படப்பிடிப்பிலும் கலந்து கொள்ளாமல் ஓய்வெடுத்து வந்தார் மம்முட்டி. அதற்கு முன்னதாக அவர் களம்காவல் என்கிற படத்தில் நடித்து வந்தார். ஆச்சரியமாக இந்த படத்தில் மம்முட்டி வில்லத்தனம் வாய்ந்த கதாபாத்திரத்திலும் வில்லனாக நடித்து வந்த விநாயகன் இதில் பாசிட்டிவான கதாபாத்திரத்திலும் நடித்துள்ளனர்.

ஜிதின் கே.ஜோஸ் இந்த படத்தை இயக்கியுள்ளார். இந்த படத்தின் டப்பிங் பணிகள் மம்முட்டிக்காக காத்திருந்தன. தற்போது அவர் மீண்டும் ஆக்டிவாக செயல்பட ஆரம்பித்து விட்ட நிலையில் இந்த படத்தின் டப்பிங்கை முடித்துவிட்டார். இதனைத் தொடர்ந்து வரும் நவம்பர் 27ம் தேதி இந்த படம் வெளியாகும் என அறிவிப்பு வெளியாகி உள்ளது. மம்முட்டி தயாரித்துள்ள இந்த படத்தை அவரது மகன் துல்கர் சல்மான் தனது, வே பாரர் பிலிம்ஸ் நிறுவனம் மூலமாக வெளியிடுகிறார் என்பது குறிப்பிடத்தக்கது.

Kalamkaval

Mammootty

களம்காவல்

மம்முட்டி

கருத்துகள் (0) கருத்தைப் பதிவு செய்ய

அறிமுக இயக்குனர் டைரக்சனில் ...

யானை தந்த வழக்கு: மோகன்லாலின் உரிமம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய