இந்திய இலங்கை கலைஞர்கள் இணையும் அந்தோனி - Anthony, who will join Indian and Sri Lankan artists

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

இந்திய இலங்கை கலைஞர்கள் இணையும் 'அந்தோனி'

11 மார், 2025 - 12:21 IST

எழுத்தின் அளவு:

ஒரு காலத்தில் தமிழ் திரைப்படங்கள் இலங்கையிலும் திரையிடப்பட்டு வந்தது. இந்தியா-இலங்கை கூட்டு தயாரிப்பில் பல படங்கள் உருவானது. தவமணி தேவி, பாலுமகேந்திரா, வி.சி.குகநாதன், சிலோன் மனோகர் உள்ளிட்ட பல இலங்கை கலைஞர்கள் தமிழுக்கு வந்தார்கள்.

இலங்கையில் நடந்த உள்நாட்டு போரின் போதும், போருக்கு பின்னரும் இவை அனைத்தும் நின்று விட்டது. சமீபகாலமாக தமிழ் படங்களின் படப்பிடிப்புகள் மீண்டும் இலங்கையில் நடக்கத் தொடங்கி உள்ளது. இந்த நிலையில் புதுமுகங்கள் இணைந்து தயாரிக்கும் 'அந்தோனி' என்ற படத்தின் படப்பிடிப்பு பூஜையுடன் தொடங்கி உள்ளது.

இந்த படத்தில் கயல் வின்சன்ட் நாயகனாக நடிக்கிறார். 'காதலிக்க நேரமில்லை' படத்தில் முக்கிய கதாபாத்திரத்தில் நடித்த டி.ஜே.பானு நாயகியாக நடிக்கிறார். இலங்கையின் பல்வேறு பகுதிகளில் படப்பிடிப்புகள் நடைபெறயிருக்கும் இப்படத்தை சுகிர்தன் கிறிஸ்துராஜா மற்றும் ஜெனோசன் ராஜேஸ்வர் ஆகிய இரு நண்பர்கள் இணைந்து இயக்குகின்றனர்.

இலங்கை நடிகர்களான சுதர்சன் ரவீந்திரன், சவுமி போன்றோரும் தமிழகத்திலிருந்து அருள்தாஸ் போன்ற நடிகர்கள் என இரு நாட்டினரும் சேர்ந்து நடிக்கிறார்கள். ரிஷி செல்வம் ஒளிப்பதிவு செய்கிறார். இலங்கை மற்றும் இந்திய நாட்டு கலைஞர்களின் கூட்டுமுயற்சியினால் உருவாகிறது. அதோடு இப்படம் இலங்கையின் கடற்புறத்துக் வாழ்வியல் கதையாக உருவாகிறது.

Anthony

அந்தோனி

கருத்துகள் (0) கருத்தைப் பதிவு செய்ய

'வருணன்' படத்தில் 'வாட்டர் கேன்' ...

திருமண நிச்சய மோதிரத்தை 'டாலர்' ஆக ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய