சிம்புவின் இரண்டு படங்களுக்கு இசை சாய் அபயங்கர்?

14 பிப், 2025 - 10:39 IST

0 கருத்துகள் கருத்தைப் பதிவு செய்ய

எழுத்தின் அளவு:

'கச்சேரி சேரா, ஆசை கூட' ஆகிய ஆல்பங்களின் மூலம் பிரபலமானவர் சாய் அபயங்கர். பின்னணிப் பாடகர் திப்பு, பாடகி ஹரிணி தம்பதியினரின் மகன். தற்போது 'பென்ஸ், சூர்யா 45' ஆகிய இரண்டு படங்களுக்கு இசையமைப்பாளராக ஒப்பந்தமாகி உள்ளார்.

லோகேஷ் கனகராஜ் கதையில், பாக்யராஜ் கண்ணன் இயக்கத்தில் ராகவா லாரன்ஸ் நடித்து வரும் படம்தான் 'பென்ஸ்'. ஆர்ஜே பாலாஜி இயக்கத்தில் சூர்யா நடிக்கும் அவரது 45வது படத்திற்கு ஏஆர் ரஹ்மான் இசையமைப்பதாக அறிவிக்கப்பட்டது. படத்திலிருந்து அவர் விலகிவிட சாய் அபயங்கர் இசையமைப்பாளராக ஒப்பந்தம் செய்யப்பட்டார்.

இந்நிலையில் சிம்புவின் பிறந்தநாளான பிப்ரவரி 3ம் தேதியன்று அவரது மூன்று படங்களின் அப்டேட் வெளியானது. ராம்குமார் பாலகிருஷ்ணன் இயக்கத்தில் சிம்பு நடிக்கும் 49வது படத்திற்கும், அஷ்வத் மாரிமுத்து இயக்கத்தில் சிம்பு நடிக்கும் 51வது படத்திற்கும் இசையமைப்பாளராக சாய் அபயங்கர் ஒப்பந்தம் செய்யப்பட்டுள்ளதாக கோலிவுட் தகவல்கள் தெரிவிக்கின்றன.

இந்தப் படங்களுக்காக அனிருத் இசையமைக்க பேச்சுவார்த்தை நடந்ததாம். அதில் ஏதோ சிக்கல்கள் வர தற்போது சாய் அபயங்கரை ஒப்பந்தம் செய்துவிட்டார்களாம். அடுத்தடுத்து சிம்புவின் இரண்டு படங்களுக்கு இவர் ஒப்பந்தமாகி இருப்பது திரையுலகில் ஆச்சரியத்தை ஏற்படுத்தியுள்ளது.

தேசிங்கு பெரியசாமி இயக்கத்தில் உருவாகும் சிம்புவின் 50வது படத்திற்கு யுவன் ஷங்கர் ராஜா இசையமைக்கிறார்.

தமிழ் சினிமாவில் மட்டுமல்லாது தெலுங்குப் பக்கமும் இசையமைக்க சாய் அபயங்கரிடம் பேச்சு வார்த்தை நடந்து வருகிறதாம். அட்லி - அல்லு அர்ஜுன் கூட்டணியில் உருவாக உள்ள படத்திற்கும் சாய் அபயங்கர் இசையமைக்கலாம் எனத் தகவல்.

SaiAbayankar

STR

Silambarasan

கருத்துகள் (0) கருத்தைப் பதிவு செய்ய

இன்று 'அமரன்' 100வது நாள் விழா

'ஜியோ ஹாட்ஸ்டார்' ஆக மாறியது ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய