Dinamalar

அல்லு அர்ஜுன் கைதுக்குப் பின், இறந்த பெண்ணுக்கு இரங்கல் தெரிவித்த தெலுங்கு திரையுலகம்

தெலுங்குத் திரையுலகத்தின் முன்னணி நடிகரும், 'புஷ்பா 2' நடிகருமான அல்லு அர்ஜுன் நேற்று காலையில் கைது செய்யப்பட்டு, இன்று காலையில் சிறையிலிருந்து விடுவிக்கப்பட்டார். கடந்த வாரம் 'புஷ்பா 2' படத்தின் பிரிமியர் காட்சி நடைபெற்ற போது ஹைதராபாத்தில் உள்ள சந்தியா தியேட்டரில் ஏற்பட்ட கூட்ட நெரிசலில் 39 வயது பெண் ஒருவர் மரணம் அடைந்தார்.

சினிமா காட்சியில் ஒரு பெண் அகால மரணம் அடைந்தது குறித்து தயாரிப்பு நிறுவனமும், நடிகர் அல்லு அர்ஜுனும் மட்டுமே அப்போது இரங்கல் தெரிவித்திருந்தனர். அல்லு அர்ஜுன் அப்பெண்ணின் குடும்பத்திற்கு 25 லட்சம் தருவதாகவும் அறிவித்தார். அந்த மரணம் காரணமாக தியேட்டர் உரிமையாளர், மேலாளர் ஆகியோர் கைது செய்யப்பட்டிருந்தனர்.

இந்நிலையில் நேற்று காலையில் அல்லு அர்ஜுனும் கைது செய்யப்பட்டு, இன்று காலை ஜாமீனில் விடுவிக்கப்பட்டார். அவரது கைதுக்கு தெலுங்குத் திரையுலகமே திரண்டு வந்து நேற்று சமூக வலைத்தளங்களில் தங்களது கண்டனத்தைப் பதிவு செய்தது.

இருந்தாலும் அனைவருமே கூட்ட நெரிசலில் இறந்த பெண்ணிற்கு இரங்கல் தெரிவித்த பிறகே கண்டனத்தைப் பதிவு செய்தனர். அந்தப் பெண் இறந்த போது தெலுங்குத் திரையுலகத்தினர் அது குறித்து வாய் திறக்கவில்லை. மாறாக, அல்லு அர்ஜுன் கைதுக்கு மட்டும் எதிர்ப்புக் குரல் கொடுத்தனர்.

தெலங்கானா அரசு ஏற்கெனவே சிறப்புக் காட்சிகளுக்கு அனுமதி இல்லை என்று சொல்லிவிட்டது. அது போல ஆந்திர அரசும் அப்படி அறிவிக்க வேண்டும் என்று சமூக ஆர்வலர்கள் எதிர்பார்ப்பாக உள்ளது. இப்படியான கூட்டம் கூடுவதை இனியாவது தெலுங்கு ஹீரோக்கள் தவிர்க்க வேண்டும் என அனைவரும் எதிர்பார்க்கிறார்கள்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா