Dinamalar

ரஜினியின் நன்றிக் கடிதம் : கமல்ஹாசன் ரசிகர்கள் கோபம்

நடிகர் ரஜினிகாந்த் அவருடைய பிறந்தநாளை இரண்டு தினங்களுக்கு முன்பு கொண்டாடினார். அவரது பிறந்தநாளை முன்னிட்டு பல சினிமா பிரபலங்கள், அரசியல் பிரபலங்கள், ரசிகர்கள் என பலரும் வாழ்த்துகளைத் தெரிவித்திருந்தார்கள்.

அவர்களுக்கு தனித்தனியாக நன்றி சொல்லி வருகிறார் ரஜினிகாந்த். அதே சமயம் மொத்தமா ஒரு நன்றிக் கடிதம் ஒன்றையும் நேற்று வெளியிட்டிருந்தார். அதில் முதலில் அரசியல் பிரபலங்களையும், அடுத்து சினிமா பிரபலங்களையும் தனித்தனியே குறிப்பிட்டுள்ளார்.

நடிகர் விஜய்யை அரசியல்வாதிகள் பட்டியலில் சேர்த்து, “அன்புத்தம்பி விஜய்” என்றும், அரசியல்வாதியாகவும் இருக்கும் நடிகர் கமல்ஹாசனை, “திரையுலகத்திலிருந்து நண்பர் கமல்ஹாசன்,” என்றும் குறிப்பிட்டுள்ளது கமல் ரசிகர்களை கோபமடைய வைத்துள்ளது.

மக்கள் நீதி மய்யம் கட்சியின் தலைவராகவும் இருக்கும் கமல்ஹாசன் ஏற்கெனவே சட்டசபைத் தேர்தலை சந்தித்தவர். ஆனால், கட்சி ஆரம்பித்து இன்னும் தேர்தலில் போட்டியிடாதவர் விஜய். அப்படியிருக்க, கமல்ஹாசனை நடிகராகவும், விஜய்யை அரசியல்வாதியாகவும் குறிப்பிட்டதற்கு ரஜினிக்கு கமல்ஹாசன் ரசிகர்கள் சமூக வலைத்தளங்களில் கடுமையான எதிர்ப்புப் பதிவுகளைப் போட்டு வருகிறார்கள்.

மேலும், கமல்ஹாசனின் பிறந்தநாளுக்கு ரஜினிகாந்த் வாழ்த்து சொல்லாத போது, ரஜினிகாந்த் பிறந்தநாளுக்கு மட்டும் கமல்ஹாசன் வாழ்த்து சொல்வதைத் தவிர்க்க வேண்டும் என்றும் அவர்கள் கேட்டுள்ளார்கள்.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்
• 
  மலையாளத்தில் அறிமுகமாகும் துஷாரா விஜயன்!
• 
  குந்தனை நினைவுக்கூர்ந்த தனுஷ்
• 
  திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' ...
• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!